ടെലിവിഷന്‍ സീരിയലുകളിലൂടെ ശ്രദ്ധേയയായ നടിയാണ് രശ്മി ദേശായി. 20 വര്‍ഷത്തോളമായി അഭിനയ രംഗത്ത് സജീവമാണ് താരം. കരിയറിന്റെ തുടക്കത്തില്‍ തനിക്ക് നേരിടേണ്ടി വന്ന കാസ്റ്റിങ് കൗച്ച് അനുഭവത്തെക്കുറിച്ച് തുറന്നു പറഞ്ഞിരിക്കുകയാണ് രശ്മി ദേശായ്. 16 വയസ്സുള്ളപ്പോള്‍ തന്നെ ഓഡിഷനു വേണ്ടി വിളിച്ചുവരുത്തി മോശമായി പെരുമാറി എന്നാണ് നടി പറഞ്ഞത്.

ബോളിവുഡ് ബബിളിന് നല്‍കിയ അഭിമുഖത്തിലാണ് കാസ്റ്റിങ് കൗച്ച് നേരിട്ടതിനെ കുറിച്ച് അവര്‍ പറഞ്ഞത്. ഓഡിഷന് എന്ന് പറഞ്ഞാണ് അവര്‍ വിളിക്കുന്നത്. ഞാന്‍ അവിടെ എത്തിയപ്പോള്‍ ആ മനുഷ്യന്‍ അല്ലാതെ അവിടെ മറ്റാരും ഉണ്ടായിരുന്നില്ല. എനിക്കന്ന് 16 വയസായിരുന്നു പ്രായം. അയാള്‍ എന്നെ ബോധം കെടുക്കാന്‍ ശ്രമിച്ചു. ഞാന്‍ വല്ലാതായെങ്കിലും എങ്ങനെയോ രക്ഷപ്പെട്ടു. കുറച്ച് മണിക്കൂറുകള്‍ക്ക് ശേഷം നടന്ന സംഭവം ഞാന്‍ അമ്മയോട് പറഞ്ഞു. അടുത്ത ദിവസം എനിക്ക് ഓര്‍മയുണ്ട്. അയാളെ കാണാന്‍ അമ്മയും ഞാനും കൂടി പോയി. അയാളെ ഒരു പാഠം പഠിപ്പിക്കാന്‍ വേണ്ടിയാണ് അമ്മ എത്തിയത്. അയാളെ കണ്ട ഉടനെ അമ്മ മുഖത്ത് അടിച്ചു.- രശ്മി ദേശായി പറഞ്ഞു.

'ഇന്നലെ കഴിഞ്ഞ പോലെ തോന്നുന്നു...'; വീർ സാറയുടെ ഓർമകളുമായി പ്രീതി സിന്റ

കാസ്റ്റിങ് കൗച്ച് യാഥാര്‍ഥ്യമാണ് എന്നാണ് താരം പറയുന്നത്. എല്ലാ ഇന്റസ്ട്രിയിലും നല്ലതും മോശവുമായ ആളുകളുണ്ടാകും. മികച്ച ഒരുപാട് പേര്‍ക്കൊപ്പം ജോലി ചെയ്യാന്‍ തനിക്കായെന്നും നടി കൂട്ടിച്ചേര്‍ത്തു. ബിഗ് ബോസ് 13 ലൂടെയാണ് താരം പ്രേക്ഷക ശ്രദ്ധനേടുന്നത്.