തിരുവനന്തപുരം: മലയാള സിനിമയിലെ നടന്‍മാരില്‍ ശ്രദ്ധേയനാണ് ഷൈന്‍ ടോം ചാക്കോ. ഷൈന്‍ പ്രണയത്തിലാണെന്ന വാര്‍ത്തകള്‍ കുറച്ചുനാളുകളായി സമൂഹമാധ്യമങ്ങളില്‍ പ്രചരിക്കുന്നുണ്ട്. തനൂജയാണ് ഷൈനിന്റെ പ്രണയിനി. ഷൈനും തനൂജയും തമ്മിലുള്ള വിവാഹനിശ്ചയം നടന്നതിന്റെ ചിത്രങ്ങളും വീഡിയോകളും പുറത്തുവന്നിരിക്കുകയാണ്.

അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തില്‍ വളരെ ലളിതമായി നടന്ന വിവാഹ നിശ്ചയത്തിന്റെ വീഡിയോ ആരാധകരും ഏറ്റെടുത്തിരിക്കുകയാണ്. പിങ്കും വെള്ളയും കലര്‍ന്ന ലഹങ്കയായിരുന്നു തനൂജയുടെ വേഷം. വെളുത്ത പാന്റും പിങ്ക് ഷര്‍ട്ടുമായിരുന്നു ഷൈന്‍ ധരിച്ചത്. ഷൈനിന്റെ മാതാപിതാക്കളും ചടങ്ങിലുണ്ട്. വിവാഹനിശ്ചയ ചടങ്ങുകളുടെ ചിത്രങ്ങളും വിഡിയോയും തനൂജ തന്റെ ഇന്‍സ്റ്റഗ്രാം സ്‌റ്റോറിയായി പങ്കുവച്ചിട്ടുണ്ട്.

വിവാഹനിശ്ചത്തിന്റെ ചിത്രങ്ങള്‍ പുറത്ത് വന്നതോടെ നിരവധി പേരാണ് ഷൈനിനേയും തനൂജയേയും അഭിനന്ദിച്ച് എത്തുന്നത്.  ഈ വര്‍ഷം തന്നെ വിവാഹവും ഉണ്ടായേക്കും. നടന്റെ രണ്ടാം വിവാഹമാണിത്. സംവിധായകന്‍ കമലിന്റെ അസോഷ്യേറ്റായി എത്തി പിന്നീട് അഭിനയത്തില്‍ സജീവമായി മാറിയ താരമാണ് ഷൈന്‍ ടോം ചാക്കോ. മമ്മൂട്ടി ചിത്രം കണ്ണൂര്‍ സ്‌ക്വാഡിലാണ് ഷെന്‍ ടോം ചാക്കോയുടെ പുറത്തിറങ്ങിയ അവസാന മലയാള ചിത്രം. 

ഈ വാർത്ത കൂടി വായിക്കൂ 

മമ്മൂട്ടി ഒരു ലക്ഷവും പൃഥ്വിരാജ് രണ്ട് ലക്ഷവും നല്‍കും; കുട്ടിക്കര്‍ഷകര്‍ക്ക് കൂടുതല്‍ സഹായവുമായി സിനിമാ ലോകം

​സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ