ജയറാമിനേയും ഉർവശിയേയും പ്രധാന കഥാപാത്രങ്ങളാക്കി ഒരുക്കിയ ചിത്രമായിരുന്നു മാളൂട്ടി. ബേബി ശാമിലിയാണ് ചിത്രത്തിൽ ടൈറ്റിൽ കഥാപാത്രമായി എത്തിയത്. സിനിമയിലെ മൗനത്തിൻ ഇടനാഴിയിൽ എന്നു തുടങ്ങുന്ന ​ഗാനത്തിനിടയിൽ കുഞ്ഞുമാളൂട്ടിയേയും കാണിക്കുന്നുണ്ട്. ആ കുഞ്ഞായി എത്തിയത് മലയാളത്തിലെ പ്രമുഖ ​ഗായികയാണെന്നാണ് പുറത്തുവരുന്ന റിപ്പോർട്ടുകൾ. ​

ജയറാമിന്റേയും ഉർവശിയുടേയും മകളായാണ് ചിത്രത്തിൽ പ്രത്യക്ഷപ്പെടുന്നത്. ഗായിക അഭയ ഹിരൺമയിയാണ് കുഞ്ഞുമാളൂട്ടിയായി എത്തിയത്. ഫെയ്സ്ബുക്ക് ​ഗ്രൂപ്പായ മലയാളം മൂവി & മ്യൂസിക് ഡാറ്റാബേസിലാണ് ഇതുസംബന്ധിച്ച് പോസ്റ്റുകൾ വന്നത്. അഭയ ഹിരൺമയി തന്നെയാണ് ഒരു അഭിമുഖത്തിൽ തന്റെ സിനിമാഅരങ്ങേറ്റത്തെക്കുറിച്ച് പറഞ്ഞത്.

അന്ന് ആറുമാസമായിരുന്നു ഹിരൺമയിയുടെ പ്രായം. ഷൂട്ടിംഗ് കഴിഞ്ഞപ്പോൾ ഭരതൻ ഒരു കുഞ്ഞുടുപ്പ് സമ്മാനിച്ചതായി അമ്മ പറഞ്ഞതും ഹിരൺമയി ഒരു അഭിമുഖത്തിൽ വ്യക്തമാക്കുന്നുണ്ട്. ഫെയ്സ്ബുക്ക് ​ഗ്രൂപ്പിലെ പോസ്റ്റ് ചർച്ചയായതോടെ അത് താൻ തന്നെയാണെന്ന് വ്യക്തമാക്കിക്കൊണ്ട് അഭയ രം​ഗത്തെത്തി. ഇൻസ്റ്റ​ഗ്രാം സ്റ്റോറിയിലാണ് താരം പോസ്റ്റ് പങ്കുവച്ചത്. 

ഈ വാര്‍ത്ത കൂടി വായിക്കൂ 

ഇനി എഴുത്തുകാരിയുടെ മകൾ; സന്തോഷ വാർത്തയുമായി മഞ്ജു വാര്യർ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ