കോഴിക്കോട്:  ഗായകൻ മനോജ് കുമാർ ആനക്കുളം അന്തരിച്ചു. 49 വയസ്സായിരുന്നു. കോഴിക്കോട് മെഡിക്കല്‍ കോളജ് ആശുപത്രിയില്‍ വച്ചായിരുന്നു അന്ത്യം. കുറച്ചു നാളുകളായി ഉദര രോഗത്തിന് ചികിത്സയിലായിരുന്നു. കോഴിക്കോട് ഒടുമ്പ്ര സ്വദേശിയാണ്. 

​ഗായകൻ എസ് പി ബാലസുബ്രഹ്മണ്യത്തിൻ്റെ ​ഗാനങ്ങൾ ആലപിച്ച് പ്രശസ്തനായ മനോജ് കുമാർ ജൂനിയർ എസ് പി ബി എന്ന അപരനാമത്തിലാണ് സംഗീതാസ്വാദകർക്കിടയിൽ അറിയപ്പെട്ടിരുന്നത്. എസ്പിബിയോടൊപ്പം വേദിയിൽ അ​ദ്ദേഹം ​ഗാനം ആലപിച്ചിട്ടുമുണ്ട്.  

കഴിഞ്ഞ ഒരു വർഷത്തിനിടെ എസ്പിബിയുടെ സ്മരണാർത്ഥം നടത്തിയ ഒട്ടനവധി പരിപാടികളിൽ മനോജ് കുമാർ പാടിയിരുന്നു. ശ്രീലതയാണ് ഭാര്യ. മകൻ അർജുൻ. 

ഈ വാർത്ത കൂടി വായിക്കാം

ബീച്ചിൽ തലകുത്തനെ മറിഞ്ഞ് അഭ്യാസം, നടന് ഗുരുതര പരുക്ക്; ആശുപത്രിയിൽ 
 
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ