രാഷ്‌ട്രീയവും സിനിമയും മാത്രമല്ല മിമിക്രിയും തനിക്ക് വഴങ്ങുമെന്ന് നടൻ സുരേഷ് ​ഗോപി. മിമിക്രി കലാകാരൻ സുധീർ പറവൂരിനൊപ്പം വേദിയിൽ മിമിക്രി അവതരിപ്പിക്കുന്ന താരത്തിന്റെ വിഡിയോ ഇപ്പോൾ സോഷ്യൽ മീഡിയയിൽ വൈറലാവുകയാണ്. സുധീർ പറവൂരിനൊപ്പം 'ക്ലിഞ്ഞോ പ്ലിഞ്ഞോ സൗൺസുള്ള തത്തേ'- എന്ന ​ഗാനം വേദിയിൽ പാടുകയാണ് സുരേഷ് ​ഗോപി. 

സുധീർ രസകരമായ ഒരു വരി പാടുമ്പോൾ 'അത് എനിക്ക് വേണ'മെന്ന് താമശരൂപേണ ഇടയ്‌ക്ക് പറയുന്നുണ്ട് താരം. രസകരമായ നിരവധി കമന്റുകളാണ് വിഡിയോയ്‌ക്ക് താഴെ വരുന്നത്. 'അതെങ്കിലും കൊടുക്കൂ, തൃശൂർ എന്തായാലും കൊടുത്തില്ല'- എന്നായിരുന്നു ഒരാളുടെ കമന്റ്. ​താരത്തിന്റെ ലാളിത്യത്തെ ചൂണ്ടിക്കാട്ടിയും പലരും കമന്റ് ചെയ്‌തു. എന്നാൽ വിഡിയോയ്‌ക്ക് താഴെ രാഷ്ട്രീയം പറയരുതെന്ന മുന്നറിയിപ്പ് തന്നവരും ഉണ്ടായിരുന്നു കൂട്ടത്തിൽ. 

ബിജു മേനോനും സുരേഷ് ​ഗോപിയും ഒന്നിക്കുന്ന ​ഗരുഡ എന്ന ചിത്രമാണ് ഇനി താരത്തിന്റെ റിലീസാകാനുള്ള സിനിമ. മിഥുൻ മാനുവലിന്റെ തിരക്കഥയിൽ അരുൺ വർമയാണ് സിനിമ സംവിധാനം ചെയ്യുന്നത്. 

ഈ വാര്‍ത്ത കൂടി വായിക്കൂ

കഴിഞ്ഞ 20 വര്‍ഷം എനിക്കൊപ്പം ഏറ്റവും കൂടുതല്‍ സമയം ചെലവഴിച്ച വ്യക്തി; കുറിപ്പുമായി കത്രീന കൈഫ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ