വിജയ്‌യുടെ ​ഗോട്ടിനായി ആകാംക്ഷയോടെ കാത്തിരിക്കുകയാണ് ദളപതി ആരാധകരും സിനിമ പ്രേക്ഷകരും. ​ഗോട്ടിന്റെ ചിത്രീകരണം പുതുച്ചേരിയിൽ പുരോ​ഗമിക്കുകയാണിപ്പോൾ. വെങ്കട്ട് പ്രഭു സംവിധാനം ചെയ്യുന്ന ചിത്രത്തിന്റെ ആക്ഷൻ രം​ഗങ്ങളാണ് പുതുച്ചേരിയിൽ ചിത്രീകരിക്കുന്നത്.

ഇപ്പോഴിതാ ചിത്രീകരണം നാട്ടുകാരിൽ പരിഭ്രാന്തി സൃഷ്ടിച്ചുവെന്നാണ് പുറത്തുവരുന്ന വിവരം. പൊതുനിരത്തിലാണ് സ്ഫോടനാത്മക രം​ഗങ്ങൾ ചിത്രീകരിച്ചത്. ബീച്ച് റോഡ്, പഴയ തുറമുഖം റോഡിലൊക്കെയാണ് ചിത്രീകരണം പുരോ​ഗമിച്ചു കൊണ്ടിരിക്കുന്നത്. രാത്രിയിലും ചിത്രീകരണം നടക്കുന്നുണ്ട്. എന്നാൽ നടുറോഡിൽ സിനിമ ചിത്രീകരണമാണ് നടക്കുന്നതെന്ന് അറിയാതെ നാട്ടുകാർ പരിഭ്രാന്തിയിലായി.

എന്നാൽ വേണ്ട മുൻകരുതലുകളും സുരക്ഷ നടപടികളും ചെയ്താണ് ചിത്രീകരണം നടത്തിയതെന്നും ആർക്കും അപകടമൊന്നും സംഭവിച്ചിട്ടില്ലായെന്നും സിനിമയുടെ അണിയറപ്രവർത്തകർ അറിയിച്ചു. ചില ഭാ​ഗങ്ങൾ റഷ്യയിലും ചിത്രീകരിച്ചിരുന്നു. വിജയ് ചിത്രത്തിൽ ഇരട്ട വേഷത്തിലാണ് എത്തുന്നതെന്ന തരത്തിലും റിപ്പോർ‌ട്ടുകൾ വന്നിരുന്നു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

നായകനായും വില്ലനായും വിജയ് തന്നെയാണ് എത്തുകയെന്നാണ് ചില റിപ്പോർട്ടുകൾ സൂചിപ്പിക്കുന്നത്. പ്രഭുദേവ, പ്രശാന്ത്, അജ്മൽ അമീർ, സ്നേ​ഹ, ലൈല, വൈഭവ് തുടങ്ങിയവരും ചിത്രത്തിൽ പ്രധാനവേഷത്തിലെത്തുന്നുണ്ട്. ദ് ​ഗ്രേറ്റസ്റ്റ് ഓഫ് ഓൾ ടൈം സെപ്റ്റംബർ അഞ്ചിനാണ് തിയറ്ററുകളിലെത്തുക. ചിത്രത്തിൽ വിജയ് രണ്ട് ​ഗാനമാലപിച്ചിട്ടുണ്ടെന്ന് കഴിഞ്ഞ ദിവസം സം​ഗീത സംവിധായകൻ യുവൻ ശങ്കർരാജ അറിയിച്ചിരുന്നു.