Tharkkam special arrangement
Entertainment

സജിൻ ബാബുവിന്റെ 'തർക്കം' ഐഎഫ്എഫ്കെയിലേക്ക്

കൊടുങ്ങല്ലൂർ ക്ഷേത്രത്തിലെ ഭരണി ആഘോഷത്തിൻ്റെ പശ്ചാത്തലത്തിലാണ് 'തർക്കം' അവതരിപ്പിക്കുന്നത്.

Author : സമകാലിക മലയാളം ഡെസ്ക്
Edited By : Hima Prakash

ദേശീയ അവാർഡ് ജേതാവായ സജിൻ ബാബു രചനയും സംവിധാനവും നിർവഹിക്കുന്ന 'തർക്കം' 31-ാമത് ഇന്റർനാഷണൽ ഫിലിം ഫെസ്റ്റിവൽ ഓഫ് കേരളയിലേക്ക് തിരഞ്ഞെടുക്കപ്പെട്ടു. കൊടുങ്ങല്ലൂർ ക്ഷേത്രത്തിലെ ഭരണി ആഘോഷത്തിൻ്റെ പശ്ചാത്തലത്തിലാണ് 'തർക്കം' അവതരിപ്പിക്കുന്നത്.

പുതുമുഖങ്ങൾക്ക് ഏറെ പ്രാധാന്യം നൽകിയൊരുക്കിയ ചിത്രത്തിൽ ജാതി- ഫ്യൂഡൽ മേധാവിത്വത്തെ ന്യായീകരിച്ച് അഭിമാനത്തോടെ ജീവിക്കുന്ന ഒരു പൊലീസ് ഓഫീസറും, ഡോക്ടർ ബി ആർ അംബേദ്കറുടെ പുരോഗമന ആശയങ്ങളിൽ ആകൃഷ്ടനായി ലോകത്തെ കാണാനും, നയിക്കാനും ശ്രമിക്കുന്ന സുർജിത്ത് എന്ന യുവാവും തമ്മിലുണ്ടാകുന്ന സംഘർഷത്തിന്റെ സംഭവബഹുലമായ മുഹൂർത്തങ്ങൾ റിയലിസ്റ്റ്ക് ത്രില്ലറായി ഒരുക്കിയിരിക്കുന്നു.

"ഇതുവരെ ചെയ്ത സിനിമകളുടെ മേക്കിങ് പ്രോസസ്സിൽ നിന്നും വ്യത്യസ്തമായി കൊടുങ്ങല്ലൂർ ഭരണിയുടെ പശ്ചാത്തലത്തിൽ ചെയ്ത ഈ ചിത്രം വ്യക്തിപരമായി സംതൃപ്തി നൽകിയ ഒരിക്കലും മറക്കാനാകാത്ത ഒരു അനുഭവമായിരുന്നു. അതിനായി രാപകിലില്ലാതെ ആത്മാർത്ഥമായി കൂടെ സഹകരിച്ച എല്ലാവരേയും ഈ അവസരത്തിൽ സ്മരിക്കുന്നു". - സംവിധായകൻ സജിൻ ബാബു പറഞ്ഞു. തമിഴ് റാപ്പർ അറിവ് മലയാളത്തിലേക്ക് അരങ്ങേറ്റം കുറിച്ചതും ഈ ചിത്രത്തിലൂടെയാണ്.

ക്ലൈമാക്സ് രംഗങ്ങൾ ഒരേ സമയം ഏഴോളം കാമറകൾ ഉപയോഗിച്ച് നാല് സിനിമാറ്റോഗ്രഫേഴ്സിന്റെ മേൽനോട്ടത്തിലാണ് ചിത്രീകരിച്ചത്. വിഖ്യാത മ്യൂസിക്ക് പ്രൊഡ്യൂസറും ഗ്രാമി അവാർഡ് നോമിനിയുമായ ജർമനിയിലെ ബെർലിനിൽ നിന്നുള്ള വിക്ടർ വാൻ ഹ്യു സൗണ്ട് സൂപ്പർവൈസറായും സൗണ്ട് ഡിസൈനിങ്ങും നിർവഹിക്കുന്നു.

പി ഡബ്ല്യു എൽഒ എന്റർടെയ്ൻമെന്റ്, സജിൻ ബാബു പ്രൊഡക്ഷൻസ് എന്നീ ബാനറിൽ അനൂപ് കുട്ടി, സജിൻ ബാബു എന്നിവർ ചേർന്ന് നിർമ്മിക്കുന്ന ഈ ചിത്രത്തിൻ്റെ ഛായാഗ്രഹണം ജെബിൻ ജേക്കബ് നിർവഹിക്കുന്നു. ഛാ​യാ​ഗ്രഹണം - നന്ദകുമാർ തോട്ടത്തിൽ, സിംബാദ്, റോഷൻ ജോസ്, എഡിറ്റിംഗ്- അപ്പു ഭട്ടതിരി, ലൈൻ പ്രൊഡ്യൂസർ- ഷാജി അസീസ്, സംഗീതം- സൈദ് അബ്ബാസ്, പ്രൊഡക്ഷൻ ഡിസൈനർ- വിനോദ് പട്ടണക്കാടൻ.

ആക്ഷൻ ഡയറക്ടർ- റോബിൻ മാസ്റ്റർ ടീം, പ്രൊഡക്ഷൻ കൺട്രോളർ- ഫിജോ ഫിലിപ്പ്, സിങ്ക് സൗണ്ട്- രാകേഷ് ശശീന്ദ്രൻ, സൗണ്ട് മിക്സിംഗ് - ജുബിൻ രാജ്, വസ്ത്രാലങ്കാരം- സുർജിഷ് സി സുരേഷ്, മേക്കപ്പ്-സുരേഷ് പിഷാരടി, അസോസിയേറ്റ് ഡയറക്ടർ- സോനു രാമകൃഷ്ണൻ, ജാസിർ, അസിസ്റ്റന്റ് ഡയറക്ടർ- സുബിൻ ജോർജ്,

പ്രൊജക്ട് ഡിസൈനർ- അരുൺ സോൾ, കാസ്റ്റിംഗ് ഡയറക്ടർ- രാജേഷ് നാരായണൻ, പ്രൊഡക്ഷൻ മാനേജർ- ശ്യാം കാർഗോസ്, സിജോ ജോസ് ജോസി, ഇ സി അശോകൻ, സെക്കൻ്റ് യൂണിറ്റ് സിനിമാട്ടോഗ്രഫി- റാം രാഘവ്, മാർക്കറ്റിംഗ്- പ്രതീഷ് ശേഖർ, പബ്ലിസിറ്റി ഡിസൈൻ- ദിലീപ്ദാസ്, പി ആർ ഒ- എ എസ് ദിനേശ്.

'Tharkkam' will be screened at IFFK.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

സ്വര്‍ണവില ഒരു ലക്ഷത്തില്‍ താഴെ; ഒറ്റയടിക്ക് ഇടിഞ്ഞത് 560 രൂപ

'എന്റെ വോട്ട് വില്‍ക്കാനുള്ളത് അല്ല'; സ്ഥാനാര്‍ഥി നല്‍കിയ പണം ബാലറ്റ്‌പെട്ടിയില്‍ നിക്ഷേപിച്ച് വോട്ടര്‍

പേരാവൂരിലെ പ്രിയ ആരാധകന്റെ അകാല വിയോഗത്തിൽ അനുശോചനവുമായി മമ്മൂട്ടി

ഷുഗർ പെട്ടെന്ന് കുറഞ്ഞാൽ ശരീരം കാണിക്കുന്ന 8 ലക്ഷണങ്ങൾ, എന്താണ് ഹൈപ്പോഗ്ലൈസീമിയ?

മൂന്ന് കോടി രൂപ വരെ ധനസഹായം; നോര്‍ക്ക പ്രൈവറ്റ് ഇന്‍ഡസ്ട്രിയല്‍ എസ്റ്റേറ്റ് പദ്ധതിയെ അറിയാം