മുംബൈ: ദി കേരള സ്റ്റോറി സംവിധായകനും നടിക്കും വാഹനാപകടത്തിൽ പരിക്കേറ്റതായി റിപ്പോർട്ട്. മുംബൈയിൽ ഹിന്ദു ഏക്താ യാത്ര എന്ന പരിപാടിയിൽ പങ്കെടുക്കാൻ പോകവെയാണ് അപകടമുണ്ടായത്. സംവിധായകൻ സു​ദീപ്തോ സെന്നും നടി അദാ ശർമ്മയുമാണ് അപകടത്തിൽപ്പെട്ടത്. ​ഗുരുതരമായി ഒന്നുമില്ലെന്ന് ഇരുവരും ട്വിറ്ററിലൂടെ അറിയിച്ചു. 

അപകടത്തെ തുടർന്ന് കരിംന​ഗറിൽ സംഘടിപ്പിച്ച പരിപാടിയിൽ പങ്കെടുക്കാനാകില്ലെന്ന് ഇരുവരും അറിയിച്ചു.  "കരിംനഗറിൽ ഒരു യുവജനസംഗമത്തിൽ ഞങ്ങളുടെ സിനിമയെക്കുറിച്ച് സംസാരിക്കേണ്ടിയിരുന്നതാണ്. പക്ഷെ, ചില അടിയന്തര ആരോ​ഗ്യപ്രശ്നങ്ങൾ കാരണം ഞങ്ങൾക്ക് യാത്ര ചെയ്യാൻ‌ കഴിഞ്ഞില്ല. കരിംനഗറിലെ ജനങ്ങളോട് ഹൃദയം നിറഞ്ഞ മാപ്പ്. ഞങ്ങളുടെ പെൺമക്കളെ രക്ഷിക്കാനാണ് ഞങ്ങൾ ഈ സിനിമയുണ്ടാക്കിയത്", സുദീപ്തോ സെൻ ട്വീറ്റ് ചെയ്തു. 

അപകടത്തെക്കുറിച്ചുള്ള വാർത്തകൾ പുറത്തുവന്നപ്പോൾ മുതൽ ധാരാളം മെസേജുകൾ ലഭിച്ചുകൊണ്ടിരിക്കുകയാണെന്നും താൻ സുഖമായിരിക്കുന്നെന്നും അദാ ശർമ്മ ട്വീറ്റ് ചെയ്തു. "ഞങ്ങളും, മുഴുവൻ ടീമും സുഖമായിരിക്കുന്നു, ​ഗൗരവമായി ഒന്നുമില്ല. നിങ്ങളുടെ കരുതലിന് നന്ദി", നടി കുറിച്ചു. അപകടത്തെത്തുടർന്ന് ഇരുവരെയും ആശുപത്രിയിൽ പ്രവേശിപ്പിച്ചിരുന്നുവെന്നും റിപ്പോർട്ടുകളുണ്ടായിരുന്നു.

ഈ വാർത്ത കൂടി വായിക്കൂ 

​'ഗോമതിയേച്ചിയുടെ വീട്ടിലുണ്ടായ അനിഷ്ടസംഭവം!'; ഉർവശിയുടെ 'ചാൾസ് എന്റർപ്രൈസസ്' ട്രെയിലർ എത്തി 

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ