ബോക്‌സ് ഓഫീസില്‍ വന്‍ വിജയമായി മാറിയിരിക്കുകയാണ് സൂര്യ ചിത്രം സീന്‍. ജിത്തു മാധവന്‍ ഒരുക്കി സീനിലൂടെ തമിഴിലേക്കുള്ള തന്റെ എന്‍ട്രി ഗംഭീരമാക്കിയിരിക്കുകയാണ് നസ്ലെന്‍. സൂര്യയുടെ വില്ലനായെത്തി കയ്യടി നേടുകയാണ് നസ്ലെന്‍. ബോയ് നെക്‌സ്റ്റ് ഡോര്‍ വേഷങ്ങളില്‍ നിന്നും കൊടൂര വില്ലനിലേക്കുള്ള ട്രാന്‍സ്ഫര്‍മേഷനില്‍ അമ്പരപ്പിക്കുകയാണ് നസ്ലെന്‍.

ചിത്രത്തില്‍ നസ്ലെനൊപ്പം അഭിനയിച്ചതിന്റെ ഓര്‍മ പങ്കിടുകയാണ് തിലഗവതി. ചിത്രത്തില്‍ മാമി എന്ന് വിളിക്കപ്പെടുന്ന കഥാപാത്രമായാണ് തിലഗവതിയെത്തുന്നത്. നസ്ലെനെ താന്‍ തമിഴും നസ്ലെന്‍ തന്നെ തമിഴും പഠിപ്പിച്ചുവെന്നാണ് തിലഗവതി പറയുന്നത്. സിനിമ വികടന് നല്‍കിയ അഭിമുഖത്തില്‍ സംസാരിക്കുകയായിരുന്നു അവര്‍.

''നസ്‌ലെനുമൊത്തുള്ള ഷൂട്ട് നല്ല രസമായിരുന്നു. അവന്‍ മലയാളിയായതു കൊണ്ട് എനിക്ക് അറിയാവുന്ന മലയാളത്തില്‍ സംസാരിക്കാന്‍ ശ്രമിച്ചു. ഊണ് കഴിച്ചാച്ചാ എന്ന് ചോദിച്ചപ്പോള്‍ ആ മാമി സാപ്പിട്ടാച്ച് എന്ന് തമിഴില്‍ മറുപടി തരും. ഷൂട്ട് ഇല്ലാത്ത സമയത്ത് എനിക്ക് മലയാളം പഠിപ്പിച്ചു തരുന്നതായിരുന്നു അവന്റെ പ്രധാന ജോലി. നസ്ലെന്റെ തമിഴ് കേള്‍ക്കാന്‍ തന്നെ രസമാണ്'' എന്നാണ് അവര്‍ പറയുന്നത്.

''കേരളത്തിലേക്ക് വരുന്നതിന് മുമ്പ് മലയാളം നല്ല രീതിയില്‍ പഠിക്കാന്‍ നസ്ലെന്‍ സഹായിച്ചു. അവന്റെ കൂടെയായിരുന്നു എനിക്ക് കൂടുതല്‍ കോമ്പിനേഷന്‍ സീന്‍. വലിയ സ്റ്റാറായിരുന്നിട്ടും അതിന്റെ ഇമേജൊന്നും നസ്ലെന് ഇല്ല. ഒന്നിച്ചുള്ള ഷൂട്ടൊക്കെ നല്ല രസമായിരുന്നു. ഞാന്‍ ഈശ്വരാ എന്ന് തന്നെയായിരുന്നു വിളിച്ചിരുന്നത്.'' എന്നും തിലഗവതി പറയുന്നു.