കഴിഞ്ഞ വർഷം ഇന്ത്യക്കാർ ​ഗൂ​ഗിളിൽ ഏറ്റവും കൂടുതൽ തിരഞ്ഞ സിനിമകൾ ഏതൊക്കെയായിരിക്കും. ഇപ്പോഴിതാ അതിന്റെ കണക്കുമായെത്തിയിരിക്കുകയാണ് ​ഗൂ​ഗിൾ. ഇന്ത്യയിൽ കഴിഞ്ഞവർഷം ഗൂഗിളിൽ ഏറ്റവും കൂടുതൽ പേർ തിരഞ്ഞ 10 സിനിമകളിൽ മലയാള സിനിമകളായ മഞ്ഞുമ്മൽ ബോയ്സും ആവേശവും ഇടം പിടിച്ചിട്ടുണ്ട്. സിനിമ വിഭാ​ഗത്തിൽ സ്ത്രീ 2 എന്ന ​ബോളിവുഡ് ചിത്രമാണ് ഏറ്റവും കൂടുതൽ പേർ തിരഞ്ഞത്.

ഈ വിഭാ​ഗത്തിൽ ഏഴാമതാണ് മഞ്ഞുമ്മൽ ബോയ്സ്. ഫഹദ് ഫാസിൽ പ്രധാന വേഷത്തിലെത്തിയ ആവേശം പത്താം സ്ഥാനത്താണ്. രണ്ടാം സ്ഥാനത്തെത്തിയിരിക്കുന്നത് പ്രഭാസ് നായകനായെത്തിയ കൽക്കി 2898 എഡി ആണ്. സ്ത്രീ 2, കൽക്കി 2898 എഡി, ട്വൽത്ത് ഫെയ്‌ൽ, ലാ പതാ ലേഡീസ്, ഹനു-മാൻ, മഹാരാജ, മഞ്ഞുമ്മൽ ബോയ്സ്, ദ് ​ഗ്രേറ്റസ്റ്റ് ഓഫ് ഓൾ ടൈം, സലാർ, ആവേശം- എന്നിങ്ങനെയാണ് ടോപ്പ് 10 മൂവീസ് ​ഗൂ​ഗിൾ സെർച്ചിൽ ഇടം പിടിച്ചിരിക്കുന്നത്.

സംവിധായകൻ പി ബാലചന്ദ്രകുമാർ അന്തരിച്ചു

മലയാളികൾ ഒന്നടങ്കം പാടി നടന്ന ഇല്ലുമിനാറ്റി എന്ന പാട്ട് ടോപ്പ് സോങ് സെര്‍ച്ചില്‍ മൂന്നാമതാണ്. 2024 ല്‍ പുറത്തിറങ്ങിയ നാദനിയൻ എന്ന പട്ടാണ് ഒന്നാമത്. 2024 ൽ ഗൂഗിളിൽ ഇന്ത്യയില്‍ ഏറ്റവും കൂടുതൽ പേർ തിരഞ്ഞ കീവേഡ് ഇന്ത്യൻ പ്രീമിയർ ലീഗ് എന്നതാണ്. രണ്ടാമത് ടി20 ലോകകപ്പ് എന്നതും. ഒപ്പം മലയാളികളുടെ കഞ്ഞിയും മാങ്ങ അച്ചാറും ഓണ സദ്യയും ഗൂഗിള്‍ സെര്‍ച്ചില്‍ ഇടംപിടിച്ചിട്ടുണ്ട്.