ധനുഷ് നായകനായി എത്തിയ തിരുച്ചിത്രമ്പലം മികച്ച അഭിപ്രായം നേടി തിയറ്ററുകളിൽ പ്രദർശനം തുടരുകയാണ്. പാട്ടും ഡാൻസും ആക്ഷനുമൊക്കെയായി പക്കാ എന്റർടെയ്നറാണ് ചിത്രം. ആരാധകർ ആവേശത്തോടെ ഏറ്റെടുത്ത ചിത്രം ഹൗസ് ഫുൾ ആയാണ് ഓടുന്നത്. എന്നാൽ ചെന്നൈയിലെ രോഹിണി തിയേറ്ററില്‍ ആരാധകരുടെ ആവേശം അതിരുവിട്ടു. തിയറ്ററിന്റെ സ്ക്രീൻ വലിച്ചു കീറുകയായിരുന്നു.
ചിത്രത്തിലെ ധനുഷിന്റെ ഇൻട്രോ സീൻ കണ്ടാണ് ആരാധകർക്ക് ആവേശം കയറിയത്. തുടർന്ന് ആര്‍പ്പു വിളികള്‍ക്കും നൃത്തവുമായി സീറ്റില്‍ നിന്ന് എഴുന്നേറ്റ ആരാധകരില്‍ ചിലര്‍ തിയേറ്റര്‍ സ്‌ക്രീന്‍ വലിച്ചുകീറുകയായിരുന്നു. തുടർന്ന് ഷോ മുടങ്ങി. ഇത് സംഘർഷത്തിന് വഴിവെക്കുകയും ചെയ്തു. സ്ക്രീൻ കീറിയത് തിയറ്റര്‍ ഉടമയ്ക്ക് കനത്ത സാമ്പത്തിക നഷ്ടമാണ് ഉണ്ടാക്കിയിരിക്കുന്നത്.
ധനുഷിനൊപ്പം നിത്യ മേനോനാണ് ചിത്രത്തിൽ പ്രധാന വേഷത്തിലെത്തുന്നത്. മിത്രന്‍ ജവഹര്‍ ആണ് തിരുച്ചിത്രമ്പലം' സംവിധാനം ചെയ്തിരിക്കുന്നത്. 'യാരടി മോഹനി' എന്ന ചിത്രത്തിന് ശേഷം ധനുഷും മിത്രന്‍ ജവഹറും ഒന്നിക്കുന്ന ചിത്രം കൂടിയാണിത്. റാഷി ഖന്ന, പ്രിയ ഭവാനി ശങ്കര്‍, പ്രകാശ് രാജ് എന്നിവരും പ്രധാന വേഷത്തിലെത്തുന്നു. സണ്‍ പിക്സേഴ്സിന്റെ ബാനറില്‍ കലാനിധി മാരന്‍ ആണ് ചിത്രം നിര്‍മിക്കുന്നത്. റെഡ് ജെയ്ന്റ് മൂവീസ് വിതരണം ചെയ്യുന്നു. അനിരുദ്ധ് ആണ് ചിത്രത്തിന്റെ സംഗീതം നിര്‍വഹിക്കുന്നത്. ഓം പ്രകാശാണ് ഛായാഗ്രാകന്‍. ചിത്രസംയോജനം പ്രസന്ന ജെ കെ.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates