മുംബൈ: വെബ് സീരീസ് ഓഡിഷന്റെ ഭാ​ഗമായി ചിത്രീകരിച്ച വിഡിയോ അശ്ലീല സൈറ്റിൽ അപ്ലോഡ് ചെയ്തെന്ന പരാതിയുമായി യുവനടി. മുംബൈയിൽ താമസിക്കുന്ന 18കാരിയാണ് നിർമാണ കമ്പനിയിലെ നാലു പേർക്കെതിരെ പൊലീസിൽ പരാതി നൽകിയത്. 

വെബ്സീരീസിന്റെ ഓഡിഷനായി നടിയെ വിളിച്ചുവരുത്തിയശേഷം ഇഴുകിചേർന്നുള്ള രം​ഗത്തിൽ അഭിനയിപ്പിക്കുകയായിരുന്നു. തുടർന്ന് ഇത് അശ്ലീല സൈറ്റിൽ പങ്കുവെക്കുകയായിരുന്നു എന്നാണ് പരാതിയിൽ പറയുന്നത്. വിഡിയോ ശ്രദ്ധയിൽപ്പെട്ട സുഹൃത്താണ് വിവരം തന്നെ അറിയിച്ചതെന്നും നടി വ്യക്തമാക്കി. 

ഹിന്ദി സിനിമയിലും സീരിയലുകളിലും അവസരം ലഭിക്കുന്നതിനായി നിരവധി പ്രൊഡക്‌ഷൻ ഹൗസുകളുമായി പെൺകുട്ടി ബന്ധപ്പെട്ടിരുന്നു. ആഴ്ചകൾക്ക് മുൻപാണ് വെബ്സീരീസിൽ അവസരമുണ്ടെന്ന് പറഞ്ഞ് പെൺകുട്ടിയെ ഓഡിൽഷനുവേണ്ടി വിളിക്കുന്നത്. ലോഡ്ജിലേക്ക് വിളിച്ചുവരുത്തി ഓഡിഷനുവേണ്ടിയെന്ന് പറഞ്ഞ് പെൺകുട്ടിയുടെ കാമുകനൊപ്പമുള്ള സ്വകാര്യ രം​ഗങ്ങൾ ഷൂട്ട് ചെയ്യുകയായിരുന്നു. ഈ വിഡിയോ മറ്റ് എവിടെയും ഉപയോ​ഗിക്കില്ലെന്ന് ഇവർ ഉറപ്പു നൽകിയിരുന്നതായും യുവതി പറയുന്നത്. 

ഓഡിഷൻ നടത്തിയ സംവിധായകൻ, കാമറാമാൻ, നടൻ, മേക്കപ്പ് ആർട്ടിസ്റ്റ് എന്നിവർക്കെതിരെയാണ് പെൺകുട്ടി പരാതി നൽകിയിരിക്കുന്നത്. കുറച്ചു ദിവസങ്ങൾക്കു ശേഷം യുവതിയുടെ വിഡിയോ അശ്ലീല സൈറ്റിൽ എത്തിയതായി അടുത്ത് സുഹൃത്ത് അറിയിക്കുകയായിരുന്നെന്നും പൊലീസ് അറിയിച്ചു. ഇതറിഞ്ഞ യുവതി ഉടനെ തന്നെ നിർമാണക്കമ്പനിയുമായി ബന്ധപ്പെട്ടവരെ വിളിച്ചെങ്കിലും ആരും പ്രതികരിച്ചില്ല. തുടർന്നാണ് പൊലീസിൽ പരാതി നൽകിയത്. 

ഈ വാർത്ത കൂടി വായിക്കൂ 

'ഞാന്‍ തൃശൂര്‍കാരനല്ലല്ലോ, കറക്ട് ചെയ്തു തരാന്‍ ആരുമില്ലായിരുന്നു'; 'തൃശൂര്‍ ഭാഷ'യില്‍ പ്രതികരണവുമായി മോഹന്‍ലാല്‍

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ