മിഷോങ് ചുഴലിക്കാറ്റിനെ തുടർന്ന് തമിഴ്നാട്ടിലെ വിവിധ ഭാ​ഗങ്ങളിൽ കനത്ത നാശനഷ്ടമാണ് റിപ്പോർട്ട് ചെയ്തത്. നിരവധി പേരുടെ ജീവനും നഷ്ടപ്പെട്ടു. ഇപ്പോൾ സോഷ്യൽ മീഡിയയിൽ ചർച്ചയാവുന്നത് മിഷോങ് ചുഴലിക്കാറ്റ് ആസ്വദിക്കുന്ന നടി ശിവാനി നാരായണന്റെ ഒരു വിഡിയോ ആണ്. തമിഴ്നാട് ഒന്നാകെ ദുരിതത്തിലൂടെ കടന്നുപോകുന്നതിനിടെ ചുഴലിക്കാറ്റ് ആസ്വദിക്കുന്ന വിഡിയോ ആണ് ശിവാനി പങ്കുവച്ചത്. 

സ്വന്തം ഫ്ളാറ്റിലെ കാർ  പാർക്കിങ് ഏരിയയിലാണ് വീശിയടിക്കുന്ന മഴയ്‌ക്കൊപ്പം ശിവാനി പാട്ടുപാടി ആസ്വദിക്കുന്നതാണ് വിഡിയോയിൽ കാണുന്നത്. ‘മനസുഖിൻ ഒരു പുയൽ’ എന്ന ഗാനത്തിനൊപ്പമാണ് വിഡിയോ. ‘ഇതാണ് മിഷോങ് ചുഴലിക്കാറ്റ്’ എന്നാണ് വിഡിയോയ്ക്ക് നൽകിയ അടിക്കുറിപ്പ്. കാറ്റ് ആഞ്ഞ് വീശുന്നത് വിഡിയോയിൽ വ്യക്തമാണ്. കൂടാതെ ഫ്ളാറ്റിന് താഴെ വെള്ളം കെട്ടി നിൽക്കുന്നതും കാണാം.   

താമസിക്കാൻ പോലും ഇടമില്ലാതെ ആളുകൾ ബുദ്ധിമുട്ടുമ്പോഴാണോ ഇത്തരം വിഡിയോ ഇടുന്നത് എന്നാണ് വിമർശകർ ചോദിക്കുന്നത്. വിഡിയോ പങ്കുവെക്കാൻ സി​ഗ്നൽ വരാനായി കാത്തിരിക്കുകയായിരുന്നോ എന്ന് പരിഹസിക്കുന്നവരുമുണ്ട്. 

ഈ വാർത്ത കൂടി വായിക്കൂ 

'ഐസിയുവിൽ മരണത്തോട് മല്ലിടുന്നതിന് ഇടയിലും പാടാൻ പോയി, നന്ദി ഈ അച്ഛൻറെ മകളായി ജനിച്ചതിന്'

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ