കുടുംബത്തിനൊപ്പം ശ്രീലങ്കയില്‍ അവധിക്കാലം ആഘോഷിക്കുകയാണ് ടൊവിനോ തോമസ്. ഇപ്പോള്‍ ആരാധകര്‍ക്കായി പെരുമ്പാമ്പിനൊപ്പം പോസ് ചെയ്യുന്ന വിഡിയോ പങ്കുവെച്ചിരിക്കുകതാണ് താരം. പെരുമ്പാമ്പിനും എനിക്കും മാച്ചിംഗ് ഔട്ട്ഫിറ്റ് എന്നാണ് ടൊവിനോ വിഡിയോക്ക് അടികുറിപ്പ് നല്‍കിയിരിക്കുന്നത്.

വിഡിയോയ്ക്ക് കമന്റുമായി ആരാധകരും സജീവമാണ്. ദേ രണ്ട് പഹയന്‍മാര്‍, ഒരു അമ്മ പെറ്റ അളിയന്മാരാന്നേ പറയൂ, 'ലെ പാമ്പ്: പുല്ല് വിലയല്ലോടാ ടോവി നീ എനിക്ക് തരുന്നത്' എന്നിങ്ങനെയാണ് ആരാധകരുടെ കമന്റുകള്‍.

ലാല്‍ ജൂനിയര്‍ സംവിധാനം ചെയ്യുന്ന 'നടികര്‍' എന്ന ചിത്രമാണ് ടൊവിനോയുടെ വരാനിരിക്കുന്ന ചിത്രം. ചിത്രത്തിന്റെ ടീസറും അടുത്തിടെ റിലീസ് ചെയ്തിരുന്നു.

ടൊവിനോ തോമസിനൊപ്പം ഭാവന, സൗബിന്‍, ധ്യാന്‍ ശ്രീനിവാസന്‍, അനൂപ് മേനോന്‍, ഷൈന്‍ ടോം ചാക്കോ, ലാല്‍, ബാലു വര്‍ഗീസ്, സുരേഷ് കൃഷ്ണ, സംവിധായകന്‍ രഞ്ജിത്ത്, ഇന്ദ്രന്‍സ്, മധുപാല്‍, ഗണപതി, വിജയ് ബാബു, അല്‍ത്താഫ് സലിം, മണിക്കുട്ടന്‍, മേജര്‍ രവി, മൂര്‍, എന്നിങ്ങനെ താരനിര ചിത്രത്തിലുണ്ട്.