കോവിഡ് ബാധിച്ചതിനെ തുടർന്നുണ്ടായ ബുദ്ധിമുട്ടുകൾ പങ്കുവച്ച് ​ഗായകൻ വിധു പ്രതാപ്. കോവിഡ് ബാധിച്ചതിനെ തുടർന്ന് ആശുപത്രിയിൽ പ്രവേശിപ്പിച്ച ഭാര്യ ദീപ്തിയുമായി ഒരാഴ്ചയ്ക്കു ശേഷം കണ്ടുമുട്ടിയതിന്റെ സന്തോഷം പങ്കുവച്ചാണ് താരത്തിന്റെ കുറിപ്പ്. തനിക്കാണ് ആദ്യം കോവിഡ് വന്നതെന്നും തുടർന്നാണ് ഭാര്യയ്ക്കും പൊസിറ്റീവായത് എന്നാണ് വിധു പറഞ്ഞത്. ഈ കൊറോണ ആളത്ര വെടിപ്പല്ലെന്നും അകറ്റി നിർത്തുന്നതാണ് നല്ലതെന്നുമുള്ള മുന്നറിയിപ്പും അദ്ദേഹം നൽകി. 

വിധു പ്രതാപിന്റെ കുറിപ്പ് 

Reunited! അങ്ങനെ ഞങ്ങളെ തേടിയും വന്നു ആ വില്ലൻ! ആദ്യം ഉപഹാരം ഏറ്റു വാങ്ങിയത് ഞാൻ ആയിരുന്നെങ്കിലും, പിന്നീട് ആ താലം  ഞാൻ കൈമാറിയത് ദീപ്തി ഗന്ധർവ്വന് ആയിരുന്നു! പണ്ടേ എന്ത് കാര്യം ഏല്പിച്ചാലും ആത്മാർഥത കൂടുതൽ ഉള്ള അവൾ, ആ താലവും പിടിച്ച് നേരെ ആശുപത്രിയിലേക്ക് പോവുകയായിരുന്നു. പിന്നീടുള്ള നീണ്ട ഒരാഴ്ച്ച ഞാൻ വീട്ടിലും അവൾ ആശുപത്രിയിലും ഒറ്റയ്ക്ക്. Isolation എന്ന one man show-ക്ക് ശേഷം ഞങ്ങൾ വീണ്ടും ഒന്നിക്കുകയാണ് സുഹൃത്തുക്കളെ... ഒന്നിക്കുകയാണ്...
ലാ...ലാ...ലാ... (ഏത് ബാക്ക്ഗ്രൗണ്ട് മ്യൂസിക് വേണേലും fix ചെയ്തോളു)
Ps. ഈ കൊറോണ ആളത്ര വെടിപ്പല്ല! കൂട്ടത്തിൽ കൂട്ടാൻ കൊള്ളാത്തവനാ. അതുകൊണ്ട് അകറ്റി നിറുത്തുന്നതാ നല്ലത്.- വിധു പ്രതാപ് കുറിച്ചു. ബൊക്കെ നൽ‍കിയാണ്  ദീപ്തിയെ ആശുപത്രിയിൽ നിന്ന് സ്വീകരിക്കാനെത്തിയത്. വിഡിയോ കോളിന്റെ സ്ക്രീൻ ഷോട്ട് അദ്ദേഹം പങ്കുവച്ചിട്ടുണ്ട്. നിരവധി പേരാണ് ഇരുവർക്കും ആശംസകളുമായി എത്തിയത്.