ആരാധകരെ ആവേശത്തിലാക്കിക്കൊണ്ടാണ് വിജയ്‌യും ലോകേഷ് കനകരാജും ഒന്നിക്കുന്ന ലിയോ പ്രഖ്യാപിച്ചത്. അതുപോലെ തന്നെ തെന്നിന്ത്യൻ താരസുന്ദരി തൃഷ ചിത്രത്തിന്റെ ഭാ​ഗമാകുന്നു എന്ന വാർത്തയും ആരാധകരെ ആവേശത്തിലാക്കിയിരുന്നു. 14 വർഷത്തെ ഇടവേളയ്ക്കുശേഷമാണ് സൂപ്പർതാരജോഡികൾ ഒന്നിക്കുന്നത്. ഇപ്പോൾ വൈറലാവുന്നത് ഇരുവരും ഒന്നിച്ചുള്ള വിമാനയാത്രയുടെ ചിത്രങ്ങളാണ്. 

വിമാനത്തിനുള്ളിൽ പൈലറ്റിനൊപ്പം നിന്ന് ഫോട്ടോയ്ക്ക് പോസ് ചെയ്യുന്ന താരങ്ങളേയാണ് ചിത്രത്തിൽ കാണുന്നത്. വിമാനക്കമ്പനിയായ സ്പൈസ്ജെറ്റ് ആണ് ചിത്രം സോഷ്യൽ മീഡിയയിൽ പങ്കുവച്ചിരിക്കുന്നത്. പെര്‍ഫക്റ്റായ ഗംഭീര കോമ്പിനേഷൻ എന്നാണ് വിമാനക്കമ്പനി ട്വീറ്റ് ചെയ്‍തിരിക്കുന്നത്. ഇവരുടെ യാത്രയുടെ ഭാ​ഗമാകാൻ കഴിഞ്ഞതിൽ ആവേശമുണ്ടെന്നും കുറിക്കുന്നു. 

മുടി നീട്ടി വളർത്തിയ ലുക്കിലാണ് വിജയ്‌യെ ചിത്രത്തിൽ കാണുന്നത്.  ലിയോയിലെ ലുക്കാണോ എന്നാണ് ആരാധകരുടെ ചോദ്യം. സോഷ്യൽ മീഡിയയിൽ വൈറലാവുകയാണ് ചിത്രങ്ങൾ. സിനിമ പ്രഖ്യാപിച്ചതിനു പിന്നാലെ കശ്മീരിൽ ചിത്രത്തിന്റെ ഷൂട്ടിങ് ആരംഭിച്ചിരുന്നു. 'കുരുവി' എന്ന ചിത്രത്തിലാണ് വിജയ്‌യും തൃഷയും ഒടുവില്‍ ഒന്നിച്ചത്.

ഈ വാര്‍ത്ത കൂടി വായിക്കൂ 

'എന്റെ സിനിമയുടെ സൗന്ദ്യര്യം മുഴുവൻ മോഷ്ടിച്ചു, നോക്കിനിൽക്കാനാവില്ല'; നൻപകലിനെതിരെ തമിഴ് സംവിധായിക​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ