ആരാധകരോടുള്ള സ്നേഹം കാണിക്കാൻ ഒരു മടിയുമില്ലാത്ത താരമാണ് വിജയ് സേതുപതി. മക്കൾ സെൽവൻ എന്ന് വിളിപ്പേരുള്ള താരത്തിന് ആരാധകരും ഏറെയാണ്. ഇപ്പോൾ സോഷ്യൽ മീഡിയയിൽ വൈറലാവുന്നത് കുട്ടി ആരാധകനുമായുള്ള വിജയ് സേതുപതിയുടെ സംസാരമാണ്. 

താരത്തിനെ കാണാൻ എത്തിയതായിരുന്നു കുട്ടി ആരാധകൻ. മേക്കപ്പ് റൂമിൽ ഇരിക്കുന്ന താരത്തിന്റെ അടുത്തു നിൽക്കുന്ന കുട്ടിയെയാണ് വിഡിയോയിൽ കാണുന്നത്. വളരെ രസകരമായാണ് കുട്ടിയോട് വിജയ് സേതുപതി സംസാരിക്കുന്നത്. എന്തിനാണ് തന്നെ കാണാന്‍ വന്നതെന്ന് കുട്ടി ആരാധകനോട് ചോദിച്ചപ്പോള്‍ ‘എനിക്ക് താങ്കളെ കാണണം എന്ന് ആഗ്രഹമുണ്ടായിരുന്നു’ എന്നായിരുന്നു മറുപടി. 

വീട്ടിലെ വിശേഷങ്ങളും കുഞ്ഞ് ആരാധകൻ താരവുമായി പങ്കുവെക്കുന്നുണ്ട്. തനിക്ക് രണ്ട് വയസുള്ള അനിയത്തിയുണ്ടെന്നാണ് കുട്ടി പറഞ്ഞത്. ഭക്ഷണം കഴിച്ചോ എന്ന താരത്തിന്റെ ചോദ്യത്തിന് ഇല്ല എന്നായിരുന്നു കുഞ്ഞിന്റെ മറുപടി. ഒരുപാട് സമയമായിട്ടും കഴിക്കാത്തത് എന്താണെന്നും താരം ചോദിക്കുന്നുണ്ട്. കൈ നിറയെ ചോക്ലേറ്റ് നൽകിയാണ് കുഞ്ഞിനെ വിജയ് സേതുപതി പറഞ്ഞയക്കുന്നത്. അവസാനം ഓടിപ്പോകാൻ ഒരുങ്ങുന്ന കുഞ്ഞ് ആരാധകനോട് ചുംബനവും താരം ചോദിച്ചുവാങ്ങുന്നുണ്ട്. സോഷ്യൽ മീഡിയയിൽ താരം തന്നെയാണ് വിഡിയോ പങ്കുവച്ചത്. താരങ്ങൾ ഉൾപ്പടെ നിരവധി പേരാണ് കമന്റുമായി എത്തുന്നത്. 

ഈ വാര്‍ത്ത കൂടി വായിക്കൂ 

മോർച്ചറിയിൽ ഭാവനയുടെ അന്വേഷണം; നി​ഗൂഢത നിറച്ച് ഷാജി കൈലാസിന്റെ ഹണ്ട് ടീസർ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ