വിക്രം നായകനായി എത്തിയ പുതിയ ചിത്രം കോബ്ര കഴിഞ്ഞ ദിവസമാണ് പുറത്തുവന്നത്. സമ്മിശ്ര പ്രതികരണമാണ് ചിത്രത്തെക്കുറിച്ച് വരുന്നത്. മൂന്നു മണിക്കൂറോളം വരുന്ന ചിത്രത്തിന്റെ ദൈർഘ്യത്തിൽ അസംതൃപ്തി പ്രകടിപ്പിച്ച് പ്രേക്ഷകർ രം​ഗത്തെത്തിയിരുന്നു. ഇപ്പോൾ  എല്ലാവരുടേയും പരാതി ചെവിക്കൊണ്ട് സിനിമയുടെ 20 മിനിറ്റ് വെട്ടിക്കുറച്ചിരിക്കുകയാണ് അണിയറ പ്രവർത്തകർ. 

ചിത്രത്തിന്റെ നിർമാതാക്കളാണ് വിവരം ആരാധകരെ അറിയിച്ചത്. ആരാധകരുടെയും നിരൂപകരുടെയും വിതരണക്കാരുടെയും അഭ്യർഥന മാനിച്ചാണ് ചിത്രത്തിന്റെ ദൈർഘ്യം കുറയ്ക്കാൻ തീരുമാനിച്ചതെന്ന് അണിയറ പ്രവർത്തകർ അറിയിച്ചു. ചിത്രത്തിന്റെ പുതിയ പതിപ്പ് ഇന്ന് വൈകിട്ട് മുതൽ തിയറ്ററുകളിലെത്തും.

അജയ് ജ്ഞാനമുത്തു സംവിധാനം ചെയ്ത ചിത്രം ഓഗസ്റ്റ് 31നാണ് തിയറ്ററുകളിൽ എത്തിയത്. ആദ്യദിനം തമിഴ്നാട്ടിൽ നിന്നും 12 കോടി വാരിയിരുന്നു. ശ്രീനിധി ഷെട്ടിയാണ് നായിക. മുൻ ഇന്ത്യൻ ക്രിക്കറ്റ് താരമായ ഇർഫാൻ പഠാനും പ്രധാന വേഷത്തിലെത്തി. മലയാളി താരങ്ങളായ റോഷൻ മാത്യു, സർജാനോ ഖാലിദ്, മിയ ജോർജ്, മാമുക്കോയ എന്നിവരും പ്രധാന വേഷങ്ങളിൽ എത്തുന്നുണ്ട്. സെവൻ സ്ക്രീൻ സ്റ്റുഡിയോയുടെ ബാനറിൽ എസ്.എസ്. ലളിത് കുമാര്‍ നിർമിക്കുന്നത്. 

ഈ വാര്‍ത്ത കൂടി വായിക്കൂ 

വിമാനത്തിൽ അടുത്ത സീറ്റിൽ ദളപതി വിജയ്, ഇങ്ങനെയൊരു യാത്ര ആദ്യമെന്ന് വരലക്ഷ്മി ശരത്കുമാർ​

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ