സ്ത്രീ സുരക്ഷയെക്കുറിച്ച് നടി വാമിഖ ഗബ്ബി. സ്ത്രീ സുരക്ഷയെന്നത് സമൂഹത്തിന്റെ പ്രയോരിറ്റിയല്ലെന്നാണ് താരം പറയുന്നത്. ഒരു കേസില്‍ നീതി ലഭിച്ചുവെന്ന് കരുതി മാറ്റം സംഭവിക്കുകയില്ലെന്നും സ്ത്രീ സുരക്ഷയെന്നത് സമൂഹത്തിന്റെ പ്രയോരിറ്റിയാകണമെന്നും വാമിഖ ഗബ്ബി പറയുന്നു. യുവായ്ക്ക് നല്‍കിയ അഭിമുഖത്തിലാണ് താരത്തിന്റെ പ്രതികരണം.

''ഒരു സ്ത്രീയെന്ന നിലയില്‍ വല്ലാത്ത നിസ്സാഹായാവസ്ഥയാണ് അനുഭവപ്പെടുന്നത്. ആര്‍ട്ടിക്കുകളിലൂടേയും സോഷ്യല്‍ മീഡിയയിലൂടേയും ആളുകള്‍ എല്ലായിപ്പോഴും സംസാരിക്കും. പ്രതിഷേധങ്ങള്‍ നടത്തും. ഒരു സ്ത്രീയെന്ന നിലയില്‍ എനിക്ക് തോന്നുന്നത്, ഇതൊക്കെ എത്രകാലമായിട്ട് നടക്കുന്നുവെന്നാണ്. ഒരു കേസില്‍ നീതി ലഭിച്ചാലും, അതേ ദിവസം തന്നെ പലയിടത്തായി എന്തൊക്കെ സംഭവിക്കുന്നു. പലതും വാര്‍ത്ത പോലും ആകുന്നില്ല'' വാമിഖ പറയുന്നു.

''സ്ത്രീ സുരക്ഷയെന്നത് നമ്മുടെ പ്രയോരിറ്റിയേ ആകുന്നില്ല. പരിഹാര മാര്‍ഗ്ഗങ്ങള്‍ നമുക്ക് അറിയാം. അതേക്കുറിച്ച് നമ്മള്‍ സംസാരിക്കുകയും ചെയ്യുന്നുണ്ട്. പക്ഷെ, അതിനെയാരും പ്രയോരിറ്റിയായി കാണുന്നില്ല'' എ്ന്നും വാമിഖ പറയുന്നു.

കൂടുതല്‍ സിനിമ വാര്‍ത്തകള്‍ക്കായി വാട്സ്ആപ്പ് ഗ്രൂപ്പില്‍ അംഗമാകൂ

ഇവിടെ ക്ലിക്ക് ചെയ്യുക

ഇത് പരിഹരിക്കണമെന്ന് ആരും ചിന്തിക്കുന്നില്ല. പരിഹരിക്കാന്‍ സാധിക്കാത്തതുമല്ല. അധികാരത്തിലിരിക്കുന്നവരാണ് സ്ത്രീ സുരക്ഷയുടെ പ്രാധാന്യം ഉറപ്പു വരുത്തേണ്ടത്. ഇത് പ്രധാനപ്പെട്ടതാണെന്ന കാര്യം ആരെങ്കിലും പ്രതിഷേധം നടത്തി പറഞ്ഞു തരേണ്ടതല്ല. പ്രശ്‌നമാണെന്ന് അറിയാമല്ലോ. അത് പരിഹരിക്കാന്‍ ശ്രമിക്കൂവെന്നും താരം പറയുന്നു.