നെറ്റ്ഫ്ളിക്സ് സലിം കുമാർ ആണെങ്കിൽ എങ്ങനെയിരിക്കും? നിങ്ങൾ എപ്പോഴെങ്കിലും ആലോചിച്ചിട്ടുണ്ടോ. ഇപ്പോൾ അതിനുള്ള മറുപടിയുമായി എത്തിയിരിക്കുകയാണ് നെറ്റ്ഫ്ളിക്സ്. കാണികളുടെ ചോദ്യങ്ങൾക്കുള്ള സലിം കുമാറിന്റെ ത​ഗ് മറുപടികളുമായാണ് വിഡിയോ. നെറ്റ്ഫ്ളിക്സിന്റെ യൂട്യൂബിലൂടെയാണ് രസികൻ വിഡിയോ പുറത്തുവന്നത്. 

നെറ്റ്ഫ്ളിക്സായി വൻ സ്റ്റൈലിഷ് ലുക്കിൽ ഇരിക്കുകയാണ് സലിം കുമാർ. പല ആവശ്യങ്ങളുമായി എത്തുന്ന പ്രേക്ഷകരോടുള്ള താരത്തിന്റെ പ്രതികരണങ്ങളാണ് വിഡിയോയിലുള്ളത്. ഫ്രണ്ട്സ് സീരീസ് മാത്രം കണ്ടുകൊണ്ടിരിക്കുന്നവർ മുതൽ സീരിയൽ കാണാനെത്തുന്ന ചേച്ചിമാരെ വരെ കാണാം. സലിംകുമാറിന്റെ ക്ലാസിക് ഡയലോ​ഗുകളും വിഡിയോയിൽ വന്നുപോകുന്നുണ്ട്. 

എന്തായാലും ആരാധകരുടെ മനം കവരുകയാണ് വിഡിയോ. നിരവധി പേരാണ് സലിം കുമാറിനെ പ്രശംസിച്ചുകൊണ്ട് കമന്റുകളുമായി എത്തിയിരിക്കുന്നത്. സലിം കുമാറിനെ നെറ്റ്ഫ്ളിക്സിന്റെ ബ്രാൻഡ് അംബാസിഡർ ആക്കണം എന്ന ആവശ്യവുമായി വരെ ആരാധകരെത്തി. 

ഈ വാര്‍ത്ത കൂടി വായിക്കൂ  

'കഴിഞ്ഞ 48 മണിക്കൂറുകളായി ഞാന്‍ ഉറങ്ങിയിട്ടില്ല, കടന്നുപോകുന്നത് കടുത്ത മാനസിക സമ്മർദ്ദത്തിലൂടെ'; ആമിർ ഖാൻ പറയുന്നു

സമകാലിക മലയാളം ഇപ്പോള്‍ വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ