കോട്ടയം: യൂട്യൂബർ തംബുരു (36)വിനെ മരിച്ച നിലയിൽ കണ്ടെത്തി. വൈക്കം ചെമ്പ് കാട്ടിക്കുന്ന് തുരുത്ത് സ്വദേശിനിയായ തംബുരുവിനെ പുളിഞ്ചുവട്ടിലെ വാടക വീട്ടിൽ തൂങ്ങിമരിച്ച നിലയിലാണ് കണ്ടെത്തിയത്. 'തംബുരു ക്വീൻഫിഷർ' എന്ന യൂട്യൂബ് ചാനലിലൂടെ ശ്രദ്ധേയയാണ് ഇവർ.

നാടൻ മത്സ്യബന്ധന രീതികളെക്കുറിച്ചുള്ള വിഡിയോകളാണ് തംബുരു വ്ലോ​ഗിലൂടെ പങ്കുവച്ചിരുന്നത്. കുടുംബപ്രശ്നങ്ങളാണ് ആത്മഹത്യക്ക് പിന്നിലെന്നാണ് പ്രാഥമിക വിവരം. വിവാഹമോചിതയായ ഇവർ 13 കാരിയായ മകളോടൊപ്പം പുളിഞ്ചുവട്ടിലെ വാടകവീട്ടിലാണ് താമസിച്ചിരുന്നത്.

മകൾ സ്കൂൾ വിട്ട് വൈകുന്നേരം വീട്ടിലെത്തിയപ്പോഴാണ് മരണ വിവരം അറിഞ്ഞത്. വൈക്കം പൊലീസ് സ്ഥലത്തെത്തി നടപടി സ്വീകരിച്ചു.