ലോക്ക്ഡൗണിനെ തുടർന്ന് കൂടെയില്ലെങ്കിലും സഹോദരൻ അഭിജിത്തിന്റെ പിറന്നാൾ ​ഗംഭീരമായി ആഘോഷിച്ചിരിക്കുകയാണ്. അവനായി വീട്ടിൽ സ്പെഷ്യൽ പാർട്ടി വരെ നടത്തി. സാധാരണ പാർട്ടിയല്ല ക്വാറന്റീൻ പാർട്ടി. ഡാൻസും ഡിജെയുമൊക്കെയായി വമ്പൻ ആഘോഷമായിരുന്നെങ്കിലും അമല പോൾ മാത്രമാണ് പാർട്ടിയിലുണ്ടായിരുന്നത്. അതും മാസ്ക് ധരിച്ച്. താരം തന്റെ ഇൻസ്റ്റ​ഗ്രാമിലൂടെയാണ് സഹോദരന്റെ പിറന്നാൾ പാർട്ടിയുടെ വിശേഷങ്ങൾ പങ്കുവെച്ചത്. 

വീട്ടിലെ ടിവിയിൽ ഡിജെ പ്ലേ ചെയ്ത് താരം മനോഹരമായ ഡാൻസ് ചെയ്യുന്നതിന്റെ വിഡിയോ ആണ് പോസ്റ്റ് ചെയ്തിരിക്കുന്നത്. ‘ഇന്ന് ഞങ്ങളുടെ വീട്ടിൽ പാർട്ടി ആയിരുന്നു. കാരണം എന്റെ ഏറ്റവും പ്രിയപ്പെട്ട ഒരേയൊരു മൂത്ത സഹോദരൻ (അവൻ എപ്പോഴും ഇളയത് ആണെന്നാണ് പറയുന്നത്) അഭിജിത്ത് പോളിന്റെ പിറന്നാളാണ്. അകലം പാലിച്ച് മാസ്ക് ധരിച്ചുള്ള പാർട്ടി. അമ്മയാണ് വിഡിയോ എടുത്തിരിക്കുന്നത്. ഒരു ക്വാറഫിൻ പാർട്ടി.’ എന്ന അടിക്കുറിപ്പിലാണ് വിഡിയോ. 

വിഡിയോയിലൂടെ സഹോദരന് പിറന്നാൾ ആശംസ നേർന്നതിനൊപ്പം അവൻ കൂടെയില്ലെന്നും മിസ് ചെയ്യുന്നുണ്ടെന്നും താരം പറഞ്ഞു. വിഡിയോയില്‍ നിന്നും കണ്ണെടുക്കാന്‍ തോന്നുന്നില്ലെന്നായിരുന്നു  പോസ്റ്റിന് താഴെ അഭിജിത്ത് കുറിച്ചത്. കൂടാതെ പിറന്നാൾ ദിനത്തിൽ തന്റെ ജീവിതത്തിലെ രണ്ട് പെണ്ണുങ്ങളെ മിസ് ചെയ്യുന്നുണ്ടെന്ന് പറഞ്ഞ് അമ്മയ്ക്കും സഹോദരിക്കുമൊപ്പമുള്ള ചിത്രവും അഭിജിത്ത് പങ്കുവെച്ചിട്ടുണ്ട്.