തനി നാട്ടിന്‍പുറത്തുകാരന്‍ വക്കീലായി ദിലീപ് അഭിനയിക്കുന്ന ‌കോടതി സമക്ഷം ബാലന്‍ വക്കീലിലെ ആദ്യ ​ഗാനം പുറത്തിറങ്ങി. തേൻ പനിമതിയെ എന്നുതുടങ്ങുന്ന ​ഗാനത്തിന്റെ വരികൾ ബി കെ ഹരിനാരായണന്റെയാണ്. രാഹുല്‍ രാജ് ഈണമൊരുക്കിയ ​ഗാനം ആലപിച്ചിരിക്കുന്നത് ഹരിശങ്കറാണ്. 

വിക്കുള്ള വക്കീലായാണ് ദിലീപ് ചിത്രത്തിലെത്തുന്നത്. മംമ്ത മോഹൻദാസ് നായികയാകുന്ന ചിത്രത്തിൽ സിദ്ധിഖ്, ബിന്ദു പണിക്കർ, സുരാജ് വെഞ്ഞാറമൂട് എന്നിവർ ശ്രദ്ധേയ വേഷങ്ങൾ കൈകാര്യം ചെയ്യുന്നുണ്ട്. 

ബി ഉണ്ണിക്കൃഷ്ണന്‍ സംവിധാനം ചെയ്യുന്ന ചിത്രം നിർമ്മിക്കുന്നത് വയാകോം18 മോഷന്‍ പിക്‌ചേഴ്സാണ്. ഈ മാസം 21നാണ് ചിത്രം തീയറ്ററുകളിലെത്തുന്നത്.