മലയാള സിനിമയിൽ ഇനി പാടില്ലെന്ന് ​ഗായകൻ വിജയ് യേശുദാസ്. അവഗണന മടുത്തിട്ടാണ് ഈ തീരുമാനമെടുത്തതെന്ന് വിജയ് പറഞ്ഞു. അര്‍ഹിക്കുന്ന വില കിട്ടുന്നില്ലെന്നും പിതാവ് യേശുദാസും ദുരനുഭവങ്ങള്‍ നേരിട്ടിട്ടുണ്ടെന്നും വിജയ് പറഞ്ഞു.

"മലയാളത്തില്‍ സംഗീത സംവിധായകര്‍ക്കും പിന്നണി ഗായകര്‍ക്കും അര്‍ഹിക്കുന്ന വില കിട്ടുന്നില്ല. തമിഴിലും തെലുങ്കിലും അങ്ങനെയല്ല. അവഗണന മടുത്തിട്ടാണ് മലയാള സിനിമയില്‍ ഇനി പാടില്ലെന്ന തീരുമാനമെടുത്തത്", വനിതയ്ക്ക് നൽകിയ അഭിമുഖത്തിൽ വിജയ് പറഞ്ഞു. 

പൂമുത്തോളെ എന്ന ഗാനത്തിലൂടെ കഴിഞ്ഞ വര്‍ഷത്തെ മികച്ച ഗായകനുള്ള സംസ്ഥാന അവാര്‍ഡ് വിജയ് നേടിയിരുന്നു. മൂന്ന് സംസ്ഥാന അവാര്‍ഡുകളാണ് വിജയ് കരസ്ഥമാക്കിയിട്ടുള്ളത്.