സിനിമാ താരങ്ങളുടെ സ്വകാര്യതയ്ക്ക് ആളുകള്‍ പലപ്പോഴും വിലകൊടുക്കാറില്ല. അവര്‍ പലപ്പോഴും ആളുകളുടെ ആക്രമണങ്ങള്‍ക്ക് വിധേയരാകാറുണ്ട്. പ്രത്യേകിച്ച് നടിമാര്‍. കഴിഞ്ഞ ദിവസം ബോളിവുഡ് താരം കത്രീന കൈഫ് ഡല്‍ഹിയില്‍ പ്രഫുല്‍ പട്ടേലിന്റെ മകള്‍ പൂര്‍ണ പട്ടേലിന്റെ വിവാഹ ചടങ്ങില്‍ പങ്കെടുത്തിരുന്നു. വിവാഹവേദിയിലേക്ക് കയറുന്നതിനിടെ മധ്യവയസ്‌കനായ ഒരു ബിസിനസുകാരന്‍ ആലിംഗനം ചെയ്യാന്‍ ശ്രമിച്ചു. എന്നാല്‍ കത്രീന അനുവദിച്ചില്ല. ആലിംഗനം നല്‍കാതെ അവര്‍ ഒഴിഞ്ഞുമാറി. 

ഈ രംഗങ്ങള്‍ ഇപ്പോള്‍ സമൂഹമാധ്യമങ്ങളില്‍ വൈറലാണ്. ഇതുപോലെ പലസ്ഥലത്തും നടിമാര്‍ അപമാനിക്കപ്പെടാറുണ്ട്. സല്‍മാന്‍ ഖാനൊപ്പമുള്ള ഒരു ഷോ കഴിഞ്ഞ് പുറത്തിറങ്ങിയ കത്രീനയെ ഒരു കൂട്ടം ആളുകള്‍ പരിഹസിക്കുന്ന ദൃശ്യങ്ങളും സാമൂഹിക മാധ്യമങ്ങളില്‍ വൈറലാണ്. 

പരിപാടിയുടെ ക്ഷീണത്തിലായതിനാല്‍ കത്രീന ആരോടം സംസാരിക്കാന്‍ നിന്നില്ല. അതിനിടയില്‍ ഒരു സ്ത്രീ കത്രീനയെ പരിഹസിച്ചു, ജനങ്ങള്‍ ബഹുമാനിക്കണമെങ്കില്‍ കുറച്ചു കൂടി നന്നായി പെരുമാറണമെന്ന് അവര്‍ രൂക്ഷമായ ഭാഷയില്‍ കത്രീനയോട് പറഞ്ഞു.

കത്രീനയുടെ കൂടെ നിന്നവര്‍ ആ സ്ത്രീയോട് മിണ്ടാതിരിക്കാന്‍ ആവശ്യപ്പെട്ടപ്പോള്‍, താന്‍ സംസാരിക്കുമെന്നും ആര്‍ക്കും ചോദിക്കാന്‍ അധികാരമില്ലെന്നും അവര്‍ മറുപടി നല്‍കി. കത്രീനയെ കാണേണ്ടെന്നും തങ്ങളെല്ലാവരും സല്‍മാന്‍ ഖാന് വേണ്ടി മാത്രമാണ് കാത്തു നില്‍ക്കുന്നതെന്നും അവര്‍ പറഞ്ഞു.