വ്യത്യസ്തമായ ആശയവുമായി നവാഗതനായ പ്രദീപ് കാളീപുരത്ത് സംവിധാനം ചെയ്യുന്ന ചിത്രമാണ് 'സെയ്ഫ്'. സിനിമയുടെ ട്രെയിലറിന് സമൂഹമാധ്യമങ്ങളില്‍ വന്‍ സ്വീകാര്യതയാണ് ലഭിക്കുന്നത്. സസ്‌പെന്‍സ് ഒട്ടും ചോര്‍ന്നുപോകാതെ തയാറാക്കിയ ട്രെയിലറില്‍ അനുശ്രീ, അപര്‍ണ ഗോപിനാഥ്, സിജു വില്‍സണ്‍ തുടങ്ങിയ താരങ്ങള്‍ അണിനിക്കുന്നുണ്ട്. 

പൊതുജനത്തിന്റെ സുരക്ഷ ആരുടെ ഉത്തരവാദിത്തമാണ് എന്നതാണ് സിനിമയുടെ ആകെ തുക. സിനിമ മാത്രമായി ഒതുങ്ങാതെ അതിനപ്പുറത്തേയ്ക്ക് നീളുന്ന പുതുകാഴ്ചയാകും സെയ്ഫിന്റേതെന്ന് അണിയറപ്രവര്‍ത്തകര്‍ സാക്ഷ്യപ്പെടുത്തുന്നു. ഷാജി പല്ലാരിമംഗലം ആണ് ചിത്രത്തിന് കഥയൊരുക്കിയിരിക്കുന്നത്. 

അജി ജോണ്‍, ഹരീഷ് പേരടി, പ്രസാദ് കണ്ണന്‍, ശിവജി ഗുരുവായൂര്‍, ഷാജി പല്ലാരിമംഗലം, സര്‍ജു മാത്യു, കൃഷ്ണ, ഊര്‍മിള ഉണ്ണി, അഞ്ജലി നായര്‍, ലക്ഷ്മിപ്രിയ, ഷെറിന്‍ ഷാജി, തന്‍വി കിഷോര്‍, ദിവ്യ പിള്ള, ഷിബില, സാവിയോ, ബിട്ടു തോമസ് എന്നിവരാണ് ചിത്രത്തിലെ മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്. 

എപിഫാനി എന്റര്‍ടെയ്ന്‍മെന്റിന്റെ ബാനറില്‍ ഷാജി പല്ലാരിമംഗലവും സര്‍ജു മാത്യുവും ചേര്‍ന്നാണ് ഈ ചിത്രം നിര്‍മിക്കുന്നത്.