മോഹന്‍ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ചിത്രം ലൂസിഫറാണ് ഇപ്പോള്‍ മലയാള സിനിമ മേഖലയിലെ പ്രധാന ചര്‍ച്ചാ വിഷയം. സിനിമ തിരക്കുകള്‍ക്ക് അവധി പറഞ്ഞാണ് താരം ലൂസിഫറിനായി ഇറങ്ങിപ്പുറപ്പെട്ടിരിക്കുന്നത്. പൃഥ്വിരാജ് എന്ന നടനില്‍ സംവിധാനം കൂടി ഉള്ളതിനാലാണ് അദ്ദേഹം പുതിയ ഉദ്യമത്തിനായി ഇറങ്ങിപ്പുറപ്പെട്ടത് എന്നാണ് മോഹന്‍ലാല്‍ പറയുന്നത്. തന്റെ ബ്ലോഗിലൂടെയാണ് പൃഥ്വിരാജിനെ വാനോളം പുകഴ്ത്തിയത്. 

പാഷന്‍ കാരണമാണ് അദ്ദേഹം സംവിധാനം ചെയ്യുന്നതെന്നും ഇപ്പോള്‍ അയാളില്‍ പ്രത്യേക ലഹരിയുണ്ടെന്നുമാണ് മോഹന്‍ലാല്‍ പറയുന്നത്. വിസ്മയ ശലഭങ്ങള്‍ എന്ന തലക്കെട്ടില്‍ പ്രസിദ്ധീകരിച്ച ബ്ലോഗിലാണ് പൃഥിരാജിനെക്കുറിച്ചും ലൂസിഫറിനെക്കുറിച്ചും പറയുന്നത്. 

ലോകത്ത് തന്നെ അപൂര്‍വമായിട്ടായിരിക്കും ഏറെ തിരക്കുള്ള നടന്‍ അതെല്ലാം മാറ്റിവെച്ച് സംവിധായകനാകുന്നത്. പൃഥ്വിരാജില്‍ സംവിധായകന്‍ ഉള്ളതുകൊണ്ടാണ് ഇതെന്നും മോഹന്‍ലാല്‍ പറഞ്ഞു. തന്നില്‍ ഒരു നടന്‍ ഉണ്ടെങ്കിലും ഒരു സംവിധായകന്‍ ഇല്ലെന്നു പറയാനും അദ്ദേഹം മടിക്കുന്നില്ല. എന്താണോ എന്റെ നടനായ സംവിധായകന് വേണ്ടത് എന്ന് എന്നിലെ നടന് മനസിലാവണം. എന്നിലെ നടനില്‍ നിന്ന് എന്തെടുക്കണം എന്ന് നടനായ സംവിധായകനും. ഈ രസതന്ത്രത്തിലേക്ക് എത്തിയാല്‍ ഞങ്ങളെപ്പോലും അത്ഭുതപ്പെടുത്തുന്ന പിറവികളുണ്ടാകും മോഹന്‍ലാല്‍ കുറിച്ചു. 

മോഹന്‍ലാലിന്റെ ബ്ലോഗ് വായിക്കാം