ടൊവിനോ തോമസ് മുഖ്യകഥാപാത്രത്തെ അവതരിപ്പിക്കുന്ന പുതിയ ചിത്രം എടക്കാട് ബറ്റാലിയന്‍ 06ന്റെ ടീസര്‍ പുറത്തിറങ്ങി. ചിത്രത്തില്‍ സൈനികനായാണ് ടൊവിനോ എത്തുന്നത്. ആക്ഷന് പ്രാധാന്യം നല്‍കിയാണ് ടീസര്‍ പുറത്തുവിട്ടിരിക്കുന്നത്. യൂട്യൂബ് ട്രെന്‍ഡിങ് ലിസ്റ്റില്‍ ഒന്നാമതെത്തിയിരിക്കുയാണ് ചിത്രത്തിന്റെ ടീസര്‍. 

പി ബാലചന്ദ്രന്റെ തിരക്കഥയില്‍ നവാഗതനായ സ്വപ്‌നേഷ് നായരാണ് ചിത്രം സംവിധാനം ചെയ്തിരിക്കുന്നത്. കാര്‍ണിവല്‍ മോഷന്‍ പിക്‌ചേഴ്‌സും റൂബി ഫിലിംസും ചേര്‍ന്നാണ് നിര്‍മാണം. ചിത്രത്തിന്റെ ഷൂട്ടിങിനിടയ്ക്ക് ടൊവിനോയുടെ ദേഹത്ത് തീപിടിക്കുകയും പരിക്കേല്‍ക്കുകയും ചെയ്തിരുന്നു.