തിയറ്ററുകളിൽ മികച്ച അഭിപ്രായം നേടിയ പൃഥ്വിരാജ് - ബിജു മേനോൻ ചിത്രമാണ് അയ്യപ്പനും കോശിയും. ചിത്രത്തിൽ പൊലീസുകാരനായി എത്തിയ നടൻ ഷാജു ശ്രീധറും ഏറെ ശ്രദ്ധേയമായ പ്രകടനമാണ് കാഴ്ചവച്ചത്.  വിജയൻ സർ ! കോശിയുടെ ഫോണിൽ തെളിഞ്ഞ ഈ പേര് കണ്ട് ‍ഞെട്ടുന്ന ജോയ് കുട്ടൻ പൊലീസിനെ ​ഗംഭീരമായാണ് ഷാജു അവതരിപ്പിച്ചത്. 

എന്നാൽ ഷാജു മാത്രമല്ല താരം. പൃഥ്വി ചെയ്ത കോശി എന്ന കഥാപാത്രത്തിന്റെ മകളായി എത്തിയ ജാനിയും ശ്രദ്ധപിടിച്ചുപറ്റിയിട്ടുണ്ട്. ജാനി മറ്റാരുമല്ല ഷാജുവിന്റെ ഇളയമകൾ നീലാഞ്ജനയാണ് ഈ മിടുക്കി. 

നടി ചാന്ദ്നിയാണ് ഷാജുവിന്റെ ഭാര്യ. ഇവർക്ക് രണ്ട് മക്കളാണ്. മൂത്ത മകൾ നന്ദന ഡിഗ്രി വിദ്യാർഥിനിയാണ്. നാലാം ക്ലാസിൽ പഠിക്കുകയാണ് നീലാഞ്ജന. അനൂപ് മേനോൻ സംവിധാനം ചെയ്ത കിങ് ഫിഷ് എന്ന ചിത്രത്തിലും നീലാഞ്ജന അഭിനയിച്ചിട്ടുണ്ട്.