കഴിഞ്ഞ ദിവസമാണ് നടി നസ്രിയ നസീം തന്റെ മനോഹരമായ ഒരു ചിത്രം സോഷ്യൽ മീഡിയയിൽ പങ്കുവെക്കുന്നത്. അവൻ എന്നെ കാണുന്നത് എന്ന അടിക്കുറിപ്പിൽ ഫഹദ് പകർത്തിയ ചിത്രമാണ് താരം പോസ്റ്റ് ചെയ്തത്. ഇപ്പോൾ ആ ചിത്രത്തിന്റെ അണിയറ ദൃശ്യങ്ങൾ പങ്കുവെച്ചിരിക്കുകയാണ് ഫഹദിന്റെ സഹോദരനും നടനുമായ ഫർഹാൻ ഫാസിൽ. 

ചിത്രമെടുക്കുന്ന ഫഹദിനേയും പോസ് ചെയ്യുന്ന നസ്രിയയേയുമാണ് ചിത്രത്തിൽ കാണുന്നത്. നസ്രിയയോട് ചേർന്ന് ഓറിയോ ഇരിക്കുന്നതും കാണാം. രസകരമായ അടിക്കുറിപ്പിനൊപ്പമാണ് ഫർഹാൻ ചിത്രം പങ്കുവെച്ചത്. ഷാനു നസ്രിയയുടെ ഫോട്ടോ എടുക്കാന്‍ ശ്രമിക്കുന്ന ഫോട്ടോയുടെ ഫോട്ടോയാണിത്. ഫോട്ടോ എതാണെന്ന് മനസിലായോ എന്ന അടിക്കുറിപ്പിലാണ് ഫർഹാൻ ചിത്രം പോസ്റ്റ് ചെയ്തിരിക്കുന്നത്. ത്രോബാക്ക് എന്ന ഹാഷ്ടാ​ഗിലാണ് ചിത്രം. കായലരികത്ത് ഇരുന്നാണ് താരദമ്പതിമാരുടെ ഫോട്ടോഷൂട്ട്. 

എന്തായാലും ആരാധകരുടെ മനസ് കീഴടക്കുകയാണ് ചിത്രം.ഫഹദിന്റെ സൂപ്പർഹിറ്റ് കഥാപാത്രം മഹേഷ് ഭാവനയുമായാണ് പലരും ചിത്രത്തെ ഉപമിക്കുന്നത്. ‘ചിൻ അപ്, ചിൻ ഡൗൺ, ഒരു പൊടിക്ക് ഡൗൺ, ഐസ് ഓപ്പൺ......സ്മൈൽ ..റെഡി’. എന്ന കമന്റുകളും നിറയുന്നുണ്ട്.