അങ്കമാലി ഡയറീസിലൂടെ പ്രേക്ഷകപ്രീതി നേടിയ നായിക അന്ന രേഷ്മ രാജന്‍ ജയറാമിന്റെ നായികയാകുന്നു. ഒരു സിനിമാക്കാരന് ശേഷം ലിയോ തദേവൂസ് സംവിധാനം ചെയ്യുന്ന ലോനപ്പന്റെ മാമോദീസയിലാണ് ജയറാമും അന്നയും ഒന്നിച്ചെത്തുന്നത്. 

ഈ മാസം അങ്കമാലിയില്‍ ചിത്രീകരണം ആരംഭിക്കുന്ന ചിത്രം നിര്‍മ്മിക്കുന്നത് പെന്‍ ആന്റ് പെപ്പര്‍ ക്രിയേഷന്‍സാണ്. ശാന്തികൃഷ്ണ ഒരു സുപ്രധാന വേഷം കൈകാര്യം ചെയ്യുന്ന ചിത്രത്തില്‍ ഇന്നസെന്റ്, അലന്‍സിയര്‍, ദിലീഷ് പോത്തന്‍, ജോജു ജോര്‍ജ്ജ്, ഇവ പവിത്രന്‍ എന്നിവരും അഭിനയിക്കും.