ഹരിഹരനുമായുണ്ടായ അകര്‍ച്ച തനിക്കും മലയാള സിനിമയ്ക്കും നഷ്ടമുണ്ടാക്കിയെന്ന് ശ്രീകുമാരന്‍ തമ്പി. വലിയ നഷ്ടമാണ് ഈ അകല്‍ച്ച സൃഷ്്ടിച്ചതെന്ന് പി ഭാസ്‌കരന്‍ പുരസ്‌കാരം ഹരിഹരന് സമ്മാനിച്ചുകൊണ്ട് ശ്രീകുമാരന്‍ തമ്പി പറഞ്ഞു. 

സിനിമയ്ക്കായി താന്‍ ആദ്യമെഴുതിയ പാട്ടുകളൊക്കെ കവിതകളാണെന്നു പറഞ്ഞ് സംവിധായകര്‍ മാറ്റിവയ്ക്കുകയായിരുന്നു. അന്ന് പാട്ടുകള്‍ കൊള്ളാം എന്നു പറഞ്ഞ ആദ്യയാളാണ് ഹരിഹരന്‍. അന്ന് തുടങ്ങിയ ആത്മബന്ധം ഇടക്കാലത്തുവെച്ച് മുറിയുകയായിരുന്നു- ശ്രീകുമാരന്‍ തമ്പി പറഞ്ഞു.

ആ കാലഘട്ടത്തില്‍ താന്‍ 'ജയിക്കാനായ് ജനിച്ചവന്‍' എന്ന പേരില്‍ സിനിമയെടുത്തപ്പോള്‍ 'ഹരിഹരന്‍ തോല്‍ക്കാന്‍ എനിക്ക് മനസ്സില്ല' എന്ന പേരില്‍ സിനിമയെടുത്ത് ഞെട്ടിച്ചുവെന്നും തമ്പി പറഞ്ഞു.

ഹരിഹരനുമായുണ്ടായ അകല്‍ച്ചയുടെ കാരണക്കാരന്‍ താന്‍തന്നെയാണ്്. പി. ഭാസ്‌കരന്റെ സ്മരണകള്‍ നിറഞ്ഞുനില്‍ക്കുന്ന ഈ വേദിയില്‍വെച്ച് ആദ്യമായി അതു തുറന്നുപറയുകയാണെന്നും തമ്പി പറഞ്ഞു.