Entertainment

ഇദ്രിസ് എല്‍ബയ്ക്ക്‌കൊറോണ; ഐസൊലേഷനില്‍; മുന്നറിയിപ്പുകളുമായി താരം

തോര്‍, പസിഫിക് റിം എന്നീ ചിത്രങ്ങളിലൂടെ ശ്രദ്ധേയനായ നടനാണ് ഇദ്രിസ് എല്‍ബ

സമകാലിക മലയാളം ഡെസ്ക്

ഹോളിവുഡ് താരം ഇദ്രിസ് എല്‍ബക്ക് കൊറോണ വൈറസ് സ്ഥിരീകരിച്ചു. ട്വിറ്ററിലൂടെ താരം തന്നെയാണ് രോഗം സ്ഥിരീകരിച്ച വിവരം ആരാധകരെ അറിയിച്ചത്. തനിക്ക് ഇതുവരെ രോഗലക്ഷണങ്ങളൊന്നും കണ്ടു തുടങ്ങിയിട്ടില്ലെന്നും എന്നാല്‍ ഐസൊലേഷനിലാണെന്നും താരം വ്യക്തമാക്കി. തോര്‍, പസിഫിക് റിം എന്നീ ചിത്രങ്ങളിലൂടെ ശ്രദ്ധേയനായ നടനാണ് ഇദ്രിസ്.

ഇന്നലെ രാവിലെയാണ് പോസിറ്റീവാണെന്ന റിസല്‍റ്റ് വന്നത്. കോവിഡ് മുന്നറിയിപ്പ് നല്‍കുന്ന ഒരു വിഡിയോക്കൊപ്പമാണ് രോഗവിവരം പങ്കുവെച്ചത്. തന്നോടൊപ്പം ഇടപഴകിയ ചിലര്‍ക്ക് കോവിഡ് 19 സ്ഥിരീകരിച്ചതോടെയാണ് താരം ടെസ്റ്റ് ചെയ്യാന്‍ തീരുമാനിക്കുന്നത്. ഇപ്പോള്‍ തനിക്ക് പ്രശ്‌നങ്ങളൊന്നുമില്ലെന്നും അദ്ദേഹം വ്യക്തമാക്കുന്നു. രോഗ ലക്ഷണമുള്ളവര്‍ പുറത്തിറങ്ങി നടക്കരുതെന്നും താരം പറയുന്നുണ്ട്. കൊറോണ വൈറസ് ഭീതി സൃഷ്ടിക്കുന്നു എന്നത് യാഥാര്‍ത്ഥ്യമാണ് അതിനാല്‍ മുന്‍കരുതലുകള്‍ എടുക്കണമെന്നും എന്നാല്‍ പരിഭ്രാന്തരാകേണ്ട കാര്യമില്ലെന്നും അദ്ദേഹം വ്യക്തമാക്കി. തന്നെക്കുറിച്ചുള്ള വിവരങ്ങള്‍ പങ്കുവെക്കാം എന്നു പറഞ്ഞുകൊണ്ടാണ് ഇദ്രിസ് എല്‍ബ വിഡിയോ അവസാനിപ്പിക്കുന്നത്. 

നിരവധി ഹോളിവുഡ് താരങ്ങളാണ് ഇതിനോടകം കോവിഡ് സ്ഥിരീകരിച്ചിരിക്കുന്നത്. അമേരിക്കന്‍ നടന്‍ ടോം ഹാങ്ക്‌സിന്റേയും ഭാര്യയുടേയും രോഗവിവരമാണ് ആദ്യം പുറത്തുവന്നത്. ഓസ്‌ട്രേലിയയില്‍ ഐസൊലേഷനിലാണ് അദ്ദേഹം. ജെയിസം ബോണ്ട് താരം ഓള്‍ഗ കുരൈലെന്‍കോക്കും ഇന്നലെ രോഗം സ്ഥിരീകരിച്ചിരുന്നു.
 

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'ഭ്രാന്താലയം' ആയിരുന്ന കേരളം മാനവാലയമായി, കിഫ്ബിയുടെ പ്രസക്തി ഗൗരവമായി ആലോചിക്കണമെന്ന് മുഖ്യമന്ത്രി

സഭയ്ക്ക് നീതി ഉറപ്പാക്കി തരുന്ന ഭരണാധികാരികള്‍ വിലമതിക്കപ്പെടും, കൂടെ നിന്നവരെ മറക്കില്ല: യാക്കോബായ സഭ അധ്യക്ഷന്‍

കേരളത്തിന് എസ്എസ്എ ഫണ്ട് ലഭിച്ചു; ആദ്യ ഗഡുവായി കിട്ടിയത് 92.41 കോടി രൂപ

പ്ലാസ്റ്റിക് സർജൻ, അസിസ്റ്റ​ന്റ് പ്രൊഫസ‍ർ തുടങ്ങി തിരുവനന്തപുരത്ത് വിവിധ ഒഴിവുകൾ

ഇന്ത്യക്കാര്‍ പല്ലു തേക്കുന്നില്ലേ? കോള്‍ഗേറ്റ് വില്‍പന കുത്തനെ ഇടിഞ്ഞു, വിചിത്ര വാദവുമായി കമ്പനി

SCROLL FOR NEXT