കൊച്ചി: നിവിന്‍ പോളി നായകനാകുന്ന കായംകുളം കൊച്ചുണ്ണിയുടെ രേഖാചിത്രം സമൂഹമാധ്യമങ്ങളില്‍ വൈറലാകുന്നു. ചിത്രത്തിന്റെ സംവിധായകന്‍ റോഷന്‍ ആന്‍ഡ്രൂസ് ആണ് നിവിന്‍പോളിയുടെ പുതിയ രൂപം ഫെയ്‌സ്ബുക്കില്‍ പോസ്റ്റ് ചെയ്തത്. രണ്ട് ചിത്രങ്ങളാണ് പുറത്തുവിട്ടത്. 

ഒന്ന് തോക്ക് തോളിലിട്ട് നില്‍ക്കുന്ന പൂര്‍ണചിത്രമാണ്. ചെരുപ്പ് പുലുമുരുകനിലേതിന് സമാനമായതാണ്. ചിത്രത്തിനായി നിവിന്‍ പോളി കളരിപ്പയറ്റ് പഠിക്കുന്നതായും റിപ്പോര്‍ട്ടുകളുണ്ടായിരുന്നു. 

കൊട്ടാരത്തില്‍ ശങ്കുണ്ണിയുടെ ഐതിഹ്യമാലയിലെ കഥയെ അടിസ്ഥാനമാക്കിയാണ് ചിത്രമൊരുക്കുന്നത്. കൊച്ചുണ്ണിയുടെ വ്യക്തിജീവിതത്തോടൊപ്പം പ്രണയവും ആസ്പദമാക്കിയാണ് ചിത്രമൊരുക്കുന്നത്. ബോബി സജ്ഞയ് ആണ് ചിത്രത്തിന്റെ തിരക്കഥയൊരുക്കിയിരിക്കുന്നത്. അമലാ പോള്‍ നായികയാകുന്ന ചിത്രത്തിന്റെ നിര്‍മ്മാണം  ഗോകുലം ഗോപാലനാണ്.