ഒരു കാലത്ത് മലയാളത്തിന്റെ മുന്‍നിര നായികമാരില്‍ ഒരാളായിരുന്നു ദിവ്യാ ഉണ്ണി. താരം വീണ്ടും സിനിമയിലേക്ക് തിരിച്ചെത്തുമെന്ന പ്രതീക്ഷയോടെ കാത്തിരിക്കുകയാണ് ആരാധകര്‍. സിനിമയില്‍ തിരിച്ചെത്തുമോയെന്ന കാര്യം വ്യക്തമല്ലെങ്കിലും നൃത്ത ലോകത്ത് സജീവമാകാനാണ് ദിവ്യയുടെ തീരുമാനമെന്ന് ഇപ്പോള്‍ പുറത്തിറങ്ങിയ നടിയുടെ വീഡിയോകളില്‍ നിന്ന് വ്യക്തമാകുന്നുണ്ട്. നൃത്തത്തിന്റെ തിരക്കുകളില്‍ സജീവമാകുന്ന ദിവ്യയുടെ ചില രംഗങ്ങളാണ് ഇപ്പോള്‍ തരംഗമായിക്കൊണ്ടിരിക്കുന്നത്.

നൃത്തമഭ്യസിക്കുന്നതിന്റെ ദൃശ്യങ്ങള്‍ ദിവ്യ തന്നെയാണ് ആരാധകര്‍ക്കുമുന്നില്‍ പരസ്യപ്പെടുത്തിയത്. തന്റെ പ്രധാന ലോകമായ നൃത്തത്തിലൂടെ ആരാധകര്‍ക്കിടയില്‍ തരംഗംസൃഷ്ടിക്കുകയാണ് താരമിപ്പോള്‍. നൃത്തത്തിലും സിനിമയിലേക്കും ദിവ്യ വൈകാതെ തിരികെയെത്തുമെന്നാണ് ആരാധകര്‍ പ്രതീക്ഷിക്കുന്നത്.