ഹൈദരാബാദ് :  ശബരിമല യുവതീപ്രവേശത്തെ എതിർത്ത് തെലുങ്ക് സിനിമാതാരം ശ്രീറെഡ്ഡി. ശബരിമലയിൽ ദർശനത്തിനായി യുവതികൾ  പോകുന്നത് നിർത്തണമെന്നും ആചാരങ്ങൾക്ക് വില കൽപ്പിക്കണമെന്നും ശ്രി റെഡ്ഡി ഫെയ്സ്ബുക്കിൽ ആവശ്യപ്പെട്ടു. 

''ശബരിമലയിൽ യുവതികൾ പ്രവേശിക്കുന്നത് അവസാനിപ്പിക്കണം. ക്ഷേത്രാചാരങ്ങൾക്ക് വില കൽപ്പിക്കണം. ഹിന്ദുത്വത്തെ സംരക്ഷിക്കണം. മതമൂല്യങ്ങളെയും അയ്യപ്പനെയും ബഹുമാനിക്കുക. ദൈവത്തിനെതിരെ എന്തെങ്കിലും പ്രവൃത്തി നമ്മുടെ ഭാഗത്തുനിന്നുമുണ്ടായാൽ നമുക്ക് അനുഗ്രഹം ലഭിക്കാതെ പോകും. പെൺകുട്ടികളുടെ ഭാവിക്ക് ദോഷം ചെയ്യും''. ശ്രീ റെഡ്ഡി എഫ് ബി പോസ്റ്റിൽ പറയുന്നു.

ബിന്ദുവും കനകദുർഗയും ശബരിമലയിലെത്തിയ വീഡിയോ പങ്കുവെച്ചുകൊണ്ടാണ് നടിയുടെ പോസ്റ്റ്. പോസ്റ്റിന് താഴെയുയർന്ന വിമർശനങ്ങൾക്ക് നടി മറുപടിയും നൽകിയിട്ടുണ്ട്.