സൽമാൻ ഖാനും ബാലതാരം ഹര്‍ഷാലി മല്‍ഹോത്രയും കേന്ദ്രകഥാപാത്രങ്ങളായെത്തിയ ‘ബജ്റംഗി ഭായ്‌ജാൻ’ എന്ന ചിത്രത്തിലെ ​ഗാനമാണ്  ‘ഭർ തോ ജോലീ മേരീ...’ . അദ്‌നാൻ സമി പാടിയ ​ഗാനം അദ്ദേഹത്തിൽ ഹിറ്റ് പാട്ടുകളിൽ ഒന്നായാണ് കണക്കാക്കപ്പെടുന്നത്. 2015ൽ പുറത്തിറങ്ങിയ ചിത്രവും അതിലെ ​ഗാനവും ഇപ്പോൾ വീണ്ടും ചർച്ചയാകുകയാണ്. 

അദ്‌നാൻ സമിയുടെ ശബ്ദത്തിൽ ആരാധകർ നെഞ്ചേറ്റിയ ഈ ​ഗാനം ഇപ്പോഴിതാ ഒരു പൊലീസുകാരന്റെ ശബ്ദത്തിലാണ് ഇന്റർനെറ്റിൽ വൈറലാകുന്നത്. ജോലിയുടെ ഇടവേളയിൽ സഹപ്രവർത്തകർക്കൊപ്പമിരുന്നു ഒരു പൊലീസ് ഉദ്യോഗസ്ഥൻ ഈ പാട്ട് പാടുന്ന വിഡിയോ അദനൻ സാമി തന്നെയാണ് തന്റെ ട്വിറ്റർ പേജിലൂടെ പങ്കുവച്ചത്. ബക്കറ്റിൽ താളം പിടിച്ച് വളരെയധികം ആസ്വദിച്ച് പാടുന്ന വിഡിയോ 'ഫണ്ടാസ്റ്റിക്' എന്ന വാക്കിന്റെ അകമ്പടിയോടെയാണ് അദ്ദേഹം ഷെയർ ചെയ്തിരിക്കുന്നത്.