വിപുലമായ പരിപാടികളോടെ രാജ്യത്ത് യോഗം ദിനം ആചരിക്കവെ ആഘോഷങ്ങളില്‍ പങ്കുചേര്‍ന്ന് മലയാളികളുടെ പ്രിയപ്പെട്ട മോഹന്‍ലാലും. ശീര്‍ഷാസനം ചെയ്യുന്ന ഫോട്ടോ ഫേസ്ബുക്കിലൂടെ ആരാധകരുമായി പങ്കുവയ്ക്കുകയായിരുന്നു മോഹന്‍ലാല്‍.

ചിന്തയേയും, ശരീരത്തേയും, ആത്മാവിനേയും കൊണ്ടാടാന്‍ യോഗ ശീലിക്കണമെന്നും ഫോട്ടോയ്‌ക്കൊപ്പം ലാല്‍ ആരാധകരോട് പറയുന്നു. 

കേന്ദ്ര-സംസ്ഥാന സര്‍ക്കാരുകള്‍ വിപുലമായ പരിപാടികളാണ് യോഗാ ദിനവുമായി ബന്ധപ്പെട്ട് ഒരുക്കിയിരുന്നത്. ഇത് മൂന്നാം വര്‍ഷമാണ് യോഗാദിനം ആചരിക്കുന്നത്.