വാത്സ്യായനന്റെ പ്രശസ്തമായ കാമസൂത്ര എന്ന ഗ്രന്ഥത്തെ ആസ്പദമാക്കി വെബ് സീരീസ് വരുന്നു. ഇതില്‍ ബോളിവുഡ് താരം സണ്ണി ലിയോണി അഭിനയിക്കുമെന്നാണ് പുറത്തു വരുന്ന റിപ്പോര്‍ട്ടുകള്‍. രാഗിണി എംഎംഎസ് എന്ന സിനിമ നിര്‍മ്മിച്ച ഏക്ത കപൂര്‍ ആണ് വെബ് സീരീസ് നിര്‍മ്മിക്കുന്നത്.

ഇന്ത്യയിലെ വിവിധ ഭാഷകളില്‍ പുറത്തിറങ്ങുന്ന സീരീസിന് ഒരു ഇംഗ്ലീഷ് പതിപ്പുണ്ടായിരിക്കും. അതിലാണ് സണ്ണി ലിയോണി അഭിനയിക്കുക എന്നാണ് വിവരം. എന്നാല്‍ ഇതേക്കുറിച്ച് ഔദ്യോഗിക സ്ഥിരീകരണമൊന്നും ഇതുവകെ പുറത്ത് വന്നിട്ടില്ല.

വാത്സ്യായന മഹര്‍ഷി പതിമൂന്നാം നൂറ്റാണ്ടില്‍ രചിച്ച സംസ്‌കൃത പുസ്തകമാണ് കാമസൂത്ര. ഇതിനെ ആസ്പദമാക്കി ഇതിന് മുന്‍പ് നിരവധി സിനിമകള്‍ പുറത്തു വന്നിട്ടുണ്ട്. രേഖ, ഇന്ദിരാ വര്‍മ്മ എന്നിവരെ കേന്ദ്ര കഥാപാത്രങ്ങളാക്കി 1996ല്‍ മീരാ നായര്‍ സംവിധാനം ചെയ്ത കാമസൂത്ര, എ ടെയല്‍ ഓഫ് ലവ് കാന്‍സ് അടക്കം നിരവധി അന്താരാഷ്ട ചലച്ചിത്രമേളകളില്‍ ശ്രദ്ധ നേടിയിരുന്നു.