'ഐഡി' എന്ന ചിത്രത്തിന് ശേഷം കെഎം കമല്‍ സംവിധാനം ചെയ്യുന്ന ചിത്രമാണ് 'പട'. ഇന്ന് മലയാളസിനിമയില്‍ തിളങ്ങിനില്‍ക്കുന്ന താരങ്ങളുടെ ഒരു വലിയ നിര തന്നെ ചിത്രത്തിന്റെ ഭാഗമാകുന്നു എന്നതാണ് വലിയ പ്രത്യേകത. കുഞ്ചാക്കോ ബോബന്‍, വിനായകന്‍, ജോജു ജോര്‍ജ്, ദിലീഷ് പോത്തന്‍ എന്നിവരാണ് ചിത്രത്തിന് വേണ്ടി ഒന്നിക്കുന്നത്. 

25 വര്‍ഷം മുന്‍പ് കേരളത്തെ നടുക്കുകയും വലിയ ചര്‍ച്ചകള്‍ക്ക് കാരണമാവുകയും ചെയ്ത ഒരു സംഭവമാണ് ഈ ചിത്രം ചര്‍ച്ച ചെയ്യുന്നത്. സമീര്‍ താഹിറാണ് ചിത്രത്തിന്റെ ഛായാഗ്രഹണം നിര്‍വ്വഹിക്കുന്നത്. ഗോകുല്‍ ദാസ് കലാസംവിധാനവും, അജയന്‍ അടാട്ട് ശബ്ദസംവിധാനവും നിര്‍വ്വഹിക്കുന്നു. ചിത്രത്തിന്റെ കൂടുതല്‍ വിവരങ്ങള്‍ അണിയറക്കാര്‍ പുറത്തുവിട്ടിട്ടില്ല.