പ്രഭാസ് നായകനായി എത്തിയ ബിഗ് ബജറ്റ് ചിത്രം സാഹോയുടെ സംവിധായകന്‍ സുജീത്ത് വിവാഹിതനായി. പ്രവാളികയാണ് വധു. ഇന്നലെ ഹൈദരാബാദിലെ ഗോല്‍കോന്‍ഡാ റിസോര്‍ട്ടിലായിരുന്നു വിവാഹം. ജൂണ്‍ 10 ന് ആയിരുന്നു ഇരുവരുടേയും വിവാഹനിശ്ചയം. 

കോവിഡ് ഭീതിയുടെ പശ്ചാത്തലത്തില്‍ വളരെ ലളിതമായാണ് വിവാഹം നടത്തിയത്. അടുത്ത കുടുംബാംഗങ്ങള്‍ മാത്രമാണ് ചടങ്ങില്‍ പങ്കെടുത്തത്. പരമ്പരാഗത വേഷത്തിലായിരുന്നു സുജീത്. പിങ്ക് സാരിയായിരുന്നു പ്രവാളികയുടെ വേഷം. വര്‍ഷങ്ങള്‍ നീണ്ട പ്രണയത്തിന് ശേഷമാണ് ഇരുവരും വിവാഹിതരാകുന്നത്. ദന്തഡോക്ടറാണ് പ്രവാളിക. സുജീത്തിന് സോഷ്യല്‍ മീഡിയയില്‍ വിവാഹ ആശംസകള്‍ നിറയുകയാണ്. 

ഷര്‍വാനന്ദിനെ നായകനാക്കി 2014 ല്‍ ഒരുക്കിയ റണ്‍ രാജ റണ്‍ എന്ന ചിത്രത്തിലൂടെയാണ് സുജീത്ത് സംവിധാനരംഗത്ത് അരങ്ങേറ്റം കുറിച്ചത്. അന്ന് 23 വയസായിരുന്നു അദ്ദേഹത്തിന്. സഹോയാണ് രണ്ടാമത്തെ ചിത്രം. പൃഥ്വിരാജും മോഹന്‍ലാലും ഒന്നിച്ച സൂപ്പര്‍ഹിറ്റ് ചിത്രം ലൂസിഫറിന്റെ തമിഴ് റീമേക്കാണ് സുജീത്ത് ഇനി സംവിധാനം ചെയ്യുന്നത്.