തെന്നിന്ത്യയിലൊട്ടാകെ ആരാധകരുള്ള നടനാണ് വിജയ് ദേവരകൊണ്ടയ്ക്ക്. പ്രേക്ഷകർക്കിടയിൽ മാത്രമല്ല സിനിമാക്കാർക്കിടയിലും ആരാധകരേറെയുണ്ട് താരത്തിന്. ഇത്തരത്തിൽ ആരാധനയുള്ള ഒരു നടി സോഷ്യൽ മീഡിയയിൽ പങ്കുവച്ച ഒരു ചിത്രമാണ് ഇപ്പോൾ ചർച്ചയാകുന്നത്. 

യുവനടി സാനിയ ഇയ്യപ്പനാണ് വിജയ് ദേവരകൊണ്ടയ്ക്കൊപ്പമുള്ള ചിത്രം പങ്കുവച്ചിരിക്കുന്നത്. ദോഹയിൽ നടക്കുന്ന സൈമ അവാർഡ് 2019ൽ പങ്കെടുക്കാൻ എത്തിയപ്പോഴാണ് നടി തന്റെ ഇഷ്ടതാരത്തെ നേരിൽ കണ്ടത്. സാനിയ പങ്കുവച്ച ചിത്രം ഇതിനോടകം രണ്ടരലക്ഷം ലൈക്കുകളാണ് നേടിയത്. 

സൈമ വേദിയിൽ മികച്ച പുതുമുഖത്തിനുള്ള അവാർഡാണ് സാനിയ സ്വന്തമാക്കിയത്.