കാണാതെ പോയ വളര്‍ത്തുപൂച്ചയ്ക്ക് വേണ്ടി സോഷ്യല്‍ മീഡിയയില്‍ പോസ്റ്റിട്ട് ബോളിവുഡ് താരം ശില്‍പ ഷെട്ടി. സിംബ എന്നു പേരുള്ള പൂച്ചക്കുട്ടിയെ കണ്ടെത്തിക്കൊടുക്കാനാണ് ശില്‍പ ആരാധകരുടെ സഹായം തേടിയിരിക്കുന്നത്. തന്റെ പോസ്റ്റ് ഷെയര്‍ ചെയ്ത് പൂച്ച എവിടെയുണ്ടെന്ന് കണ്ടെത്താന്‍ സഹായിക്കണമെന്നാണ് താരത്തിന്റെ അഭ്യര്‍ത്ഥന. 

വ്യാഴാഴ്ചയാണ് സിംബ വീട്ടില്‍ നിന്ന് ഇറങ്ങിപ്പോയതെന്നാണ് ശില്‍പ പറയുന്നത്. ഇന്‍സ്റ്റഗ്രാമില്‍ പൂച്ചയുടെ ഫോട്ടോ സഹിതമാണ് പോസ്റ്റിട്ടിരിക്കുന്നത്. വളര്‍ത്തു പൂച്ച കഴിഞ്ഞ ദിവസം ഇറങ്ങിപ്പോയെന്നും പൂച്ചയ്ക്കായി ഒരുപാട് തെരഞ്ഞെങ്കിലും കിട്ടിയില്ലെന്നുമാണ് താരം പറയുന്നത്. ജുഹുവിന് അടുത്ത് ആരെങ്കിലും സിംബയെ കാണുകയാണെങ്കില്‍ തന്നെ അറിയിക്കണമെന്നുമാണ് താരം പറയുന്നത്. പൂച്ച ഹിമാലയന്‍ പേര്‍ഷ്യന്‍ വിഭാഗത്തില്‍പ്പെടുന്നതാണെന്നും േ്രഗ നിറത്തിലുള്ള നിറയെ രോമങ്ങളുള്ള വാലുണ്ടെന്നും ശില്‍പ വ്യക്തമാക്കി. ഇതുവരെ പൂച്ച ഭക്ഷണം കഴിച്ചിട്ടുണ്ടാവില്ലെന്നുമാണ് നടി പറയുന്നത്. അതിനാല്‍ കണ്ടെത്തുന്നവര്‍ നനഞ്ഞ ഭക്ഷണം എന്തെങ്കിലും കൊടുക്കാനും താരം അഭ്യര്‍ത്ഥിച്ചു. താരത്തിന്റെ മൃഗസ്‌നേഹം കണ്ട് നിരവധി ആരാധകരാണ് ശില്‍പ്പയെ സഹായിക്കാന്‍ പോസ്റ്റ് ഷെയര്‍ ചെയ്തിരിക്കുന്നത്.