മാലദ്വീപില്‍ വെക്കേഷന്‍ ആഘോഷിക്കുകയാണ് ബോളിവുഡ് നടി ബിപാഷ ബസുവും ഭര്‍ത്താവ് കരണ്‍ സിങ് ഗ്രോവറും. സ്വിമ്മിഗ് പൂളില്‍ ഇരുവരും നില്‍ക്കുന്ന ചിത്രങ്ങളാണ് താരം പുതുതായി സോഷ്യല്‍ മീഡിയയില്‍ പങ്കുവെച്ചിട്ടുള്ളത്. ബിപാഷ ബസു പോസ്റ്റ് ചെയ്ത അവധി ആഘോഷ ചിത്രങ്ങള്‍ വൈറലായി മാറിയിരിക്കുകയാണ്.

എന്റെ പങ്കാളിക്കൊപ്പം ഒരു  അവധി ദിനം കൂടി എന്ന് ചിത്രത്തില്‍ ബിപാഷ കുറിച്ചു. അവധി ആഘോഷത്തിനിടെ കരണിന്റെ 38-ാം പിറന്നാളുമെത്തി. ഞായറാഴ്ച കരണിന് പിറന്നാള്‍ ആശംസകള്‍ നേര്‍ന്നുകൊണ്ട് ബിപാഷ ഇന്‍സ്റ്റഗ്രാമില്‍ പോസ്റ്റ് ചെയ്തിരുന്നു.

2016 ഏപ്രില്‍ 30 നാണ് ബോളിവുഡ് നടി ബിപാഷ ബസു മോഡലും നടനുമായ കരണ്‍ സിങ് ഗ്രോവറിനെ വിവാഹം കഴിക്കുന്നത്.