മനാമ: സ്കൂ​ളു​ക​ളി​ലെ അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ ആം​ബു​ല​ൻ​സ് വിളിക്കണമെന്ന നി​ർ​ദേ​ശവുമായി ബഹ്‌റൈൻ വി​ദ്യാ​ഭ്യാ​സ മ​ന്ത്രാ​ല​യം. വി​ദ്യാ​ർ​ഥി​ക​ളു​ടെ​യും ജീ​വ​ന​ക്കാ​രു​ടെ​യും സു​ര​ക്ഷ ഉ​റ​പ്പാ​ക്കുക, വൈ​ദ്യ​സ​ഹാ​യം വളരെ വേ​ഗ​ത്തി​ൽ ല​ഭ്യ​മാ​ക്കുക തുടങ്ങിയവയ്ക്ക് വേണ്ടിയാണ് ഈ നിർദ്ദേശം. സ്കൂൾ അധികൃതർക്ക് നൽകിയ പു​തി​യ സ​ർ​ക്കു​ല​റി​ലാ​ണ് മ​ന്ത്രാ​ല​യം ഇ​ക്കാ​ര്യം വ്യക്തമാക്കിയത്.

അ​ടി​യ​ന്ത​ര​മാ​യി ആം​ബു​ല​ൻ​സ് സേ​വ​നം തേടാൻ കഴിയുന്ന സാഹചര്യങ്ങളും പുതിയ സ​ർ​ക്കു​ല​റിൽ വിശദീകരിച്ചിട്ടുണ്ട്. ബോ​ധ​ക്ഷ​യം, ഒ​ടി​വു​ക​ൾ, ഉ​യ​ര​ത്തി​ൽ​നി​ന്ന് വീ​ഴു​ക, ഗു​രു​ത​ര​മാ​യ പൊ​ള്ള​ൽ, ഹൃ​ദ​യ​സം​ബ​ന്ധ​മാ​യ പ്ര​ശ്ന​ങ്ങ​ൾ, ഗു​രു​ത​ര​മാ​യ മു​റി​വു​ക​ൾ, ശ​ക്ത​മാ​യ ര​ക്ത​സ്രാ​വം, ശ്വാ​സം​മു​ട്ട​ൽ, ഗു​രു​ത​ര​മാ​യ അ​ല​ർ​ജി തുടങ്ങിയ സാഹചര്യങ്ങളിൽ അ​ടി​യ​ന്ത​ര​മാ​യി ആം​ബു​ല​ൻ​സ് സേ​വ​നം തേടാം.

ഓ​രോ സ്കൂ​ളിലും ആ​ഭ്യ​ന്ത​ര എ​മ​ർ​ജ​ൻ​സി ടീം ​രൂ​പ​വ​ത്ക​രി​ക്ക​ണം എന്നും സ​ർ​ക്കു​ല​റിൽ പറയുന്നു. ഈ ടീമിൽ പ​രി​ശീ​ല​നം ല​ഭി​ച്ച അ​ഡ്മി​നി​സ്ട്രേ​റ്റി​വ്, ടീ​ച്ചി​ങ് സ്റ്റാ​ഫ് എ​ന്നി​വ​ർ അംഗങ്ങൾ ആയിരിക്കണം. അ​ടി​യ​ന്ത​ര സാ​ഹ​ച​ര്യം ഉ​ണ്ടാ​യാ​ൽ ഉ​ട​ൻ ത​ന്നെ വിവരം ​വി​ദ്യാ​ഭ്യാ​സ ഡ​യ​റ​ക്ട​റേ​റ്റി​നെ അറിയിക്കണം. ആം​ബു​ല​ൻ​സ് സേ​വ​നം ആ​വ​ശ്യ​മാ​യി ​വ​ന്നാ​ൽ ആ വിവരങ്ങളും ബന്ധപ്പെട്ട ഉദ്യോഗസ്ഥരെ അറിയിക്കണം.

അപകടത്തിൽപ്പെട്ട കുട്ടിയെ ആശുപത്രിയിലേക്ക് കൊണ്ട് പോകുമ്പോൾ സ്കൂൾ ജീവനക്കാരനോ,അധ്യാപകനോ കൂടെയുണ്ടാകണം. മാതാപിതാക്കളെ ഉടൻ വിവരം അറിയിക്കണമെന്നും വി​ദ്യാ​ഭ്യാ​സ മ​ന്ത്രാ​ല​യം പുറത്തിറക്കിയ നിർദേശത്തിൽ പറയുന്നു.