മനാമ: സാമ്പത്തിക ഇടപാടുകളുമായി ബന്ധപ്പെട്ട നിയമം കൂടുതൽ കർശനമാക്കാനൊരുങ്ങി ബഹ്‌റൈൻ. ലൈ​സ​ൻ​സി​ല്ലാ​തെ സാ​മ്പ​ത്തി​ക,ബാ​ങ്കി​ങ്, ഇ​ൻ​ഷു​റ​ൻ​സ്, ബ്രോ​ക്ക​റേ​ജ് സേ​വ​ന​ങ്ങ​ൾ ന​ട​ത്തു​ന്ന​വ​ർ​ക്ക് ക​ടു​ത്ത ശി​ക്ഷ ലഭിക്കും. ഇത് സംബന്ധിച്ചുള്ള പു​തി​യ ക​ര​ട് നി​യ​മം നി​യ​മ​നി​ർ​മാ​ണ സ​ഭ​യ്ക്ക് ബ​ഹ്‌​റൈ​ൻ സർക്കാർ കൈമാറി.

നിലവിലുള്ള നിയമം അനുസരിച്ച് ഈ കുറ്റകൃത്യങ്ങളിൽ പിടിക്കപെടുന്നവർക്ക് പിഴ ശിക്ഷ മാത്രമാണ് ഉള്ളത്. പു​തി​യ നി​യ​മത്തിന് അംഗീകാരം ലഭിക്കുന്നതോടെ ജ​യി​ൽ​ ശി​ക്ഷയും പ്രതികൾക്ക് ലഭിക്കും. സാ​മ്പ​ത്തി​ക​ സേ​വ​ന​ങ്ങ​ൾ നൽകുന്നവർക്ക് സെ​ൻ​ട്ര​ൽ ബാ​ങ്ക് ഓ​ഫ് ബ​ഹ്‌​റൈ​ന്റെ (സി ബി ​ബി)​ ലൈ​സ​ൻസ് നിർബന്ധമാണ്.

ലൈസൻസ് ഇല്ലാതെ നടത്തുന്ന എല്ലാത്തരം സേവനങ്ങളും കുറ്റകരമാണ്. കുറ്റവാളികൾക്ക് ജ​യി​ൽ​ശി​ക്ഷ​യോ അ​ല്ലെ​ങ്കി​ൽ 10 ല​ക്ഷം ബ​ഹ്‌​റൈ​ൻ ദി​നാ​റി​ൽ ക​വി​യാ​ത്ത പി​ഴ​യോ, അ​ല്ലെ​ങ്കി​ൽ ര​ണ്ടും കൂ​ടി​യോ ചു​മ​ത്താ​ൻ ആണ് ​ക​ര​ട് നി​യ​മത്തിലെ വ്യ​വ​സ്ഥ.

സി ബി ​ബിയുടെ ലൈസൻ​സി​ല്ലാ​ത്ത സ്ഥാ​പ​ന​ങ്ങ​ൾ ബാ​ങ്ക്,ഇ​ൻ​ഷു​റ​ൻ​സ്, റീ-​ഇ​ൻ​ഷു​റ​ൻ​സ് എന്ന വാക്കോ അ​തി​ന് സ​മാ​ന​മാ​യ മറ്റു വാക്കുകളോ ഉപയോഗിക്കാൻ പാടില്ല. വ്യാ​പാ​ര സ്ഥാപനങ്ങളുടെ വി​ലാ​സ​ങ്ങ​ളി​ലും ഇ​ൻ​വോ​യ്സു​ക​ളിലും ഈ വാക്കുകൾ ഉ​പ​യോ​ഗി​ക്കു​ന്ന​ത് നിയമവിരുദ്ധമാണ്. പുതിയ നിയമത്തിലൂടെ ലൈ​സ​ൻ​സി​ല്ലാ​ത്ത സ്ഥാ​പ​ന​ങ്ങ​ളെ നി​യ​ന്ത്രി​ക്കാ​നാ​യി കൂ​ടു​ത​ൽ അധികാരം സി ബി ബി​ക്ക് ലഭിക്കും.