മനാമ: ഗ​താ​ഗ​ത നി​യ​മ​ത്തി​ൽ ഭേ​ദ​ഗ​തി വ​രു​ത്താ​നു​ള്ള പ്രമേയം ബ​ഹ്‌​റൈ​ൻ പാ​ർ​ല​മെ​ന്റിൽ അവതരിപ്പിച്ചു. ഇതേ പ്രമേയത്തെ ആദ്യ ഘട്ടത്തിൽ സർക്കാരും ശൂ​റ കൗ​ൺ​സിലും ശക്തമായി എതിർത്തിരുന്നു. എന്നാൽ ഭേ​ദ​ഗ​തി​ക്ക് ര​ണ്ടാ​മ​തും അം​ഗീ​കാ​രം ന​ൽ​കാ​നു​ള്ള നീക്കമാണ് പാർലമെന്റിൽ എം പിമാർ നടത്തുന്നത്.

ഗ​താ​ഗ​ത നി​യ​മ​ത്തി​ലെ ആ​ർ​ട്ടി​ക്കി​ൾ 56 പ്ര​കാ​രം പി​ഴ അ​ട​യ്ക്കു​ന്ന​തി​ന് ഏ​ഴ് ദി​വ​സമാണ് സമയ പരിധി അ​നു​വ​ദി​ച്ചി​രിക്കുന്നത്. എന്നാൽ ഇത് അ​പ​ര്യാ​പ്ത​മാ​ണെ​ന്ന് പ്ര​മേ​യത്തിലൂടെ എംപിമാർ പറയുന്നു. നി​യ​മ​ലം​ഘ​ക​ർ​ക്ക് കു​റ​ഞ്ഞ പി​ഴ​യു​ടെ പ​കു​തി തു​ക മാ​ത്രം അടച്ച ശേഷം ഒ​ത്തു​തീ​ർ​പ്പ് വ​ഴി ബാക്കി തുക അടയ്ക്കാൻ അനുമതി നൽകണമെന്നാണ് പ്രമേയത്തിലെ പ്ര​ധാ​ന നി​ർ​ദേ​ശം.

ഒ​ത്തു​തീ​ർ​പ്പ് വാ​ഗ്ദാ​നം ല​ഭി​ച്ചാൽ 30 ദി​വ​സ​ത്തി​നു​ള്ളി​ൽ ബാക്കി തുക അടയ്ക്കാൻ നി​യ​മ​ലം​ഘ​ക​ർ​ക്ക് സമയം ലഭിക്കും. സാ​മ്പ​ത്തി​ക ബു​ദ്ധി​മു​ട്ടു​ക​ളും വ​ർ​ധി​ച്ചു​വ​രു​ന്ന വി​ല​ക്ക​യ​റ്റ​വും പരിഗണിച്ചു സ​മ​യം നീട്ടി നൽകുന്നത് പൗ​ര​ന്മാ​ർക്ക് വലിയ ആശ്വാസമാകുമെന്നും എംപിമാർ പറഞ്ഞു.

നി​യ​മ​ലം​ഘ​ക​ർക്ക് കോ​ട​തി​ക്ക് പു​റ​ത്ത് കേ​സ് തീ​ർ​പ്പാ​ക്കാ​ൻ പ്രോ​ത്സാ​ഹി​പ്പി​ക്കും. ഇ​ത് ട്രാ​ഫി​ക് കോ​ട​തി​ക​ളി​ലെ കേ​സു​ക​ളു​ടെ എ​ണ്ണം കു​റ​യ്ക്കു​ക​യും കോടതികളുടെ ജോ​ലി​ഭാ​രം ല​ഘൂ​ക​രി​ക്കു​ക​യും ചെ​യ്യുമെന്നും എംപി മാർ പറഞ്ഞു. എന്നാൽ ഈ പ്രമേയത്തെ പി​ന്തു​ണ​യ്ക്കു​ന്ന​തി​ൽ ബു​ദ്ധി​മു​ട്ട് ഉണ്ടെന്ന് സ​ർ​ക്കാ​ർ പാ​ർ​ല​മെ​ന്റി​നെ അ​റി​യി​ച്ചു.

ഭേ​ദ​ഗ​തി, ഗ​താ​ഗ​ത​ നി​യ​മ​ത്തെ ദു​ർ​ബ​ല​പ്പെ​ടു​ത്തു​മെ​ന്നാണ് സ​ർ​ക്കാ​ർ നിലപാട് . പൊ​തു​സു​ര​ക്ഷ​യും ഡ്രൈ​വ​ർ​മാ​ർ​ക്കി​ട​യി​ലെ അ​ച്ച​ട​ക്ക​വും ഉ​റ​പ്പാ​ക്കാ​ൻ വേണ്ടിയാണു കർശനമായ നിയമങ്ങൾ നടപ്പിലാക്കുന്നത്. ഇളവ് അനുവദിച്ചാൽ അത് തിരിച്ചടി ആകുമെന്നാണ് സർക്കാർ വാദം. എംപിമാർ സമർപ്പിച്ച പ്രമേയത്തിൽ പാ​ർ​ല​മെ​ന്റി​ന്റെ അ​ടു​ത്ത സാ​ധാ​ര​ണ സെ​ഷ​നി​ൽ വോ​ട്ടെ​ടു​പ്പ് ന​ട​ക്കും.