ബ​ഹ്‌​റൈ​ൻ: ഇ​ല​ക്ട്രോ​ണി​ക് സിഗരറ്റുമായി ബന്ധപ്പെട്ട ഉ​പ​ക​ര​ണ​ങ്ങ​ളു​ടെ വി​ൽ​പ​ന​യും വി​ത​ര​ണ​വും നി​രോ​ധി​ക്കാ​നുള്ള നടപടികളുമായി ബ​ഹ്‌​റൈ​ൻ. ഇതുമായി ബന്ധപ്പെട്ട് പു​തി​യ നിയമം വേണമെന്ന ആവശ്യം പാർലമെന്റിൽ ശക്തമായി ഉന്നയിക്കുമെന്ന് എംപിമാർ അറിയിച്ചു.

ഈ ​ഉ​ൽപ്പ​ന്ന​ങ്ങ​ൾ സൃഷ്ടിക്കുന്ന അ​പ​ക​ട​ങ്ങ​ളി​ൽ​ നി​ന്ന് യു​വാ​ക്ക​ളെ​യും കു​ട്ടി​ക​ളെ​യും സം​ര​ക്ഷി​ക്കു​ക എന്നതാണ് ലക്ഷ്യമെന്ന് എം.​പി ജ​ലാ​ൽ കാ​സിം അ​ൽ മ​ഹ്ഫൂ​ദ് വ്യക്തമാക്കി. ഇതുമായി ബന്ധപ്പെട്ട ക​ര​ട് നി​യ​മം തയ്യാറാക്കി കഴിഞ്ഞു. അ​ടു​ത്ത പാ​ർ​ല​മെൻറ് സെ​ഷ​നി​ൽ ഈ ​ക​ര​ട് നി​യ​മം ചർച്ച ചെയ്യും. ഇ​ല​ക്ട്രോ​ണി​ക് സിഗരറ്റിന്റെ യുവാക്കളുടെയും കുട്ടികളുടെയും ഉപയോഗം ര​ക്ഷി​താ​ക്ക​ൾ​ക്കും വി​ദ​ഗ്ധ​ർ​ക്കു​മി​ട‍യി​ൽ വലിയ ആ​ശ​ങ്ക​ക​ൾ ഉ​യ​ർ​ത്തു​ന്നു​ണ്ട്. ഇവയിൽ ശ്വാ​സ​കോ​ശ​ത്തി​നും പ്ര​തി​രോ​ധ​ശേ​ഷി​ക്കും ദോ​ഷ​ക​ര​മാ​യ രാ​സ​വ​സ്തു​ക്ക​ൾ അ​ട​ങ്ങി​യി​ട്ടു​ണ്ടെ​ന്നും അദ്ദേഹം പറഞ്ഞു.

വിവിധ ഫ്ലേ​വ​റു​ക​ളും സോ​ഷ്യ​ൽ മീ​ഡി​യ വ​ഴി​യു​ള്ള പരസ്യങ്ങളും ഈ ​ഉ​ൽപ്പ​ന്ന​ങ്ങൾക്ക് യു​വാ​ക്ക​ൾ​ക്കി​ട​യി​ൽ വ​ള​രെ പ്ര​ചാ​ര​ണം ലഭിക്കുന്നതിന് കാരണമായിട്ടുണ്ട്. പ​ര​മ്പ​രാ​ഗ​ത സി​ഗ​ര​റ്റു​ക​ൾ​ക്ക് പകരമുള്ള സു​ര​ക്ഷി​ത​മാ​യ ബദൽ മാർഗമെന്ന് നിലയിലാണ് മാർക്കറ്റിൽ ഇ- സിഗരറ്റുകൾ വിൽപന നടത്തുന്നത്. ഇത് അവസാനിപ്പിക്കാൻ വേണ്ട നടപടികൾ സർക്കാർ സ്വീകരിക്കണമെന്നും എം.​പി ജ​ലാ​ൽ കാ​സിം പറഞ്ഞു.