മനാമ: കുട്ടികൾക്കിടയിൽ ഡിജിറ്റൽ സുരക്ഷ ഉറപ്പാക്കാൻ നിയമനിർമ്മാണത്തിനൊരുങ്ങി ബഹ്‌റൈൻ. സോ​ഷ്യ​ൽ മീ​ഡി​യ പ്ലാ​റ്റ്‌​ഫോ​മു​ക​ളി​ൽ 15 വ​യ​സ്സി​ന് താ​ഴെ​യു​ള്ള കു​ട്ടി​ക​ൾ അ​ക്കൗ​ണ്ട് തു​ട​ങ്ങു​ന്ന​തിന് നിരോധനം ഏർപ്പെടുത്തുന്ന പു​തി​യ ബി​ൽ കൗ​ൺ​സി​ൽ ച​ർ​ച്ച​ക്കെ​ടു​ക്കുമെന്നാണ് റിപ്പോർട്ടുകൾ. ഇതിനായി 2012ലെ 37ാം ​ന​മ്പ​ർ കുട്ടികളുടെ നിയമത്തിൽ മാറ്റം വരുത്താനാണ് സർക്കാർ നീക്കം.

പുതിയ നിയമം പ്രാബല്യത്തിൽ വന്നാൽ 15 വ​യ​സ്സ് പൂ​ർ​ത്തി​യാ​കാ​ത്ത കു​ട്ടി​ക​ൾ​ക്ക് ഡി​ജി​റ്റ​ൽ പ്ലാ​റ്റ്‌​ഫോ​മു​ക​ളി​ൽ അ​ക്കൗ​ണ്ട് തു​ട​ങ്ങാ​ൻ അ​നു​മ​തി ലഭിക്കില്ല. 15 മുതൽ 18 വയസ് വരെയുള്ള കുട്ടികൾക്ക് സോഷ്യൽ മീഡിയിൽ അക്കൗണ്ടുകൾ തുടങ്ങാൻ വിലക്ക് ഉണ്ടാകില്ല. കുട്ടികളുടെ സ്വ​കാ​ര്യ​തയെ ബാധിക്കുന്ന തരത്തിലുള്ള ഉള്ളടക്കങ്ങൾ ബന്ധപ്പെട്ട പ്ലാറ്റ്ഫോമുകളിൽ വരാതിരിക്കാൻ വേണ്ട നിയന്ത്രണങ്ങൾ ഏർപ്പെടുത്തും.

എന്നാൽ, പ​ഠ​നാ​വ​ശ്യ​ങ്ങ​ൾ​ക്കാ​യി ഉ​പ​യോ​ഗി​ക്കു​ന്ന ഡി​ജി​റ്റ​ൽ പ്ലാറ്റ്ഫോമുകളിൽ എല്ലാ പ്രായത്തിലുമുള്ള കുട്ടികൾക്ക് അക്കൗണ്ട് തുടങ്ങാം. ഏ​തെ​ല്ലാം പ്ലാ​റ്റ്‌​ഫോ​മു​ക​ൾ നിയമ പരിധിയിൽ കൊണ്ട് വരണം എന്ന കാര്യം വി​ദ്യാ​ഭ്യാ​സ മ​ന്ത്രാ​ല​യം തീ​രു​മാ​നി​ക്കും.

നിയമം ലംഘിക്കാതിരിക്കാൻ ഉ​പ​യോ​ക്താ​ക്ക​ളു​ടെ പ്രാ​യം പ​രി​ശോ​ധി​ക്കു​ന്ന​തി​നായി പ്രത്യേക രീതികളും നിയമം ലംഘിക്കുന്നവർക്കെതിരെയുള്ള ശി​ക്ഷാ ന​ട​പ​ടി​ക​ളും പ്ര​ത്യേ​ക​മാ​യി നി​ശ്ച​യി​ക്കും. ശൂ​റ കൗ​ൺ​സി​ൽ ര​ണ്ടാം ഡെ​പ്യൂ​ട്ടി ചെ​യ​ർ​പേ​ഴ്‌​സ​ൻ ഡോ. ​ജി​ഹാ​ദ് അ​ൽ ഫ​ദ​ലിന്റെ നേതൃത്വത്തിലുള്ള ഉ​ന്ന​ത​ത​ല സം​ഘ​മാ​ണ് ഈ ​ഭേ​ദ​ഗ​തി സ​മ​ർ​പ്പി​ച്ച​ത്.