കുവൈത്ത് സിറ്റി: കു​വൈ​ത്തി​ലെ മണി എ​ക്സ്ചേ​ഞ്ചുകൾ വഴി നാട്ടിലേക്ക് പണമയക്കുന്നവർ ശ്രദ്ധിക്കുക. എ​ക്സ്ചേ​ഞ്ചുകൾക്ക് നൽകേണ്ടി വരുന്ന കമ്മീഷൻ ഒഴിവാക്കാനായി നാ​ലും അ​ഞ്ചും പേർ ചേർന്ന് നാട്ടിലെ ഒരു അക്കൗണ്ടിലേക്ക് ആകും പണം അയക്കുക. ചെറിയ ഒരു ലാഭത്തിനായി ഇങ്ങനെ ചെയ്യുമ്പോൾ പണമയക്കുന്ന വ്യക്തി പിന്നീട് നിയമ നടപടികൾ നേരിടേണ്ടി വരുമെന്ന് കു​വൈ​ത്ത് അധികൃതർ വ്യക്തമാക്കി.

ഇ​ന്ത്യ​യി​ലേക്ക് നമ്മൾ നടത്തുന്ന സാമ്പത്തിക ഇടപാടുകൾ അ​ധി​കൃ​ത​ർ സൂ​ക്ഷ്മ​മാ​യി നി​രീ​ക്ഷി​ക്കു​ന്നു​ണ്ട്. വലിയ തുകകൾ നിങ്ങളുടെ അക്കൗണ്ടിലൂടെ നാട്ടിലേക്ക് അയക്കുന്നത് വഴി ഈ പണത്തിന്റെ ഉറവിടം നിങ്ങൾ അധികൃതരോട് വ്യക്തമാക്കേണ്ടി വരും. ചി​ല​പ്പോ​ൾ അ​ക്കൗ​ണ്ടു​ക​ൾ മ​ര​വി​പ്പിക്കാൻ വരെ ഇത് കാരണമാകും. അടുത്തിടെ നാട്ടിലേക്ക് പണമയച്ച മലയാളികൾ ആയ ചിലർക്ക് കുവൈത്ത് അധികൃതർ കാരണം കാണിക്കൽ നോട്ടീസ് അയച്ചിരുന്നു.

കു​വൈ​ത്തി​ൽ ഒരു റൂമിൽ കഴിയുന്നവരാകും നാട്ടിലുള്ള ഒരാളുടെ അക്കൗണ്ടിലേക്ക് പണം അയക്കുന്നത്. പക്ഷെ ആ പണം പിന്നീട് വിവിധ ജില്ലയിൽ ഉള്ളവരുടെയോ,വിവിധ സംസ്ഥാനങ്ങളിൽ ഉള്ളവരുടെയോ അക്കൗണ്ടിലേക്കാകും കൈമാറുക. ഈ പണം ഏതെങ്കിലും തരത്തിലുള്ള ദേശവിരുദ്ധ പ്രവർത്തനങ്ങൾക്ക് ഉപയോഗിക്കാനാണോ എന്നാകും കുവൈത്ത് അധികൃതരുടെ പ്രധാന സംശയം. ഇതുമായി ബന്ധപ്പെട്ട് തൃപ്തികരമായ വിശദീകരണം നൽകാനായില്ലെങ്കിൽ ചിലപ്പോൾ നിങ്ങൾ കുവൈത്തിലെ നിയമനടപടികൾ നേരിടേണ്ടി വരുമെന്നും അധികൃതർ മുന്നറിയിപ്പ് നൽകി.